Vai a sottomenu e altri contenuti

Cunvegnu AISLA

Cunvegnu ‘Ambiente e su chi tenimus a inghìriu - Su fatore ambiente e su raportu cun sas maladias neurodegenerativas'

XI Die Natzionale SLA

Su 22 de cabudanni 2018, in sa Pineta Istei de Bidoniu


Su Comune de Bidoniu paris cun sa Pro Loco Bidoniu e a AISLA sede territoriale de Nùgoro, invitant totus a su cunvegnu 'Ambiente e su chi tenimus a inghìriu' e a sa de XI Dies Natzionales SLA.
S'incumintzat su mangianu cun su Cunvegnu, dedicadu a sa memòria de dot. Vincenzo Migaleddu, cun sa partetzipatzione, comente reladores, de su Presidente Regionale de sos Mèigos pro s'Ambiente ISDE, dot. Domenico Scanu paris cun dot. Salvatore Marchi mèigu de ISDE Nùgoro, a sa dot.ssa Anna Ticca primària de Neurologia de s'ispidale Santu Frantziscu de Nùgoro e a Dot. Agr. Daniel Fadda presidente de sa Pro loco de Bidoniu. A pustis s'at a sighire cun s'assàgiu de màndigos ghiadu dae sos Sommelier AIS Delegatzione de Nùgoro ghiados dae su delegadu provintziale Francesco Deriu e cun sa presèntzia de sos testimonials de AISLA sede de Nùgoro 'Amici del Folklore'. Òspite de onore Tziu Juvanne Pira, poeta sardu de Orgòsolo premiadu bortas meda, chi at a retzitare unas cantas poesias suas e fintzas 'Corazu non t'arrendas', iscrita dae issu etotu e cantada in su 2015 dae su tenore 'Amici del Folklore' in su cunvegnu natzionale AISLA, in Sardigna. A su sero, s'at a projetare su vìdeu 'Viaggio da Papa Francesco 20 giugno 2018'.

Sos prus giòvanos s'ant a pòdere ispassiare cun atividades de giogu e cun pallontzinos meda!

Sa die cuncordada at a èssere ocasione pro agiudare AISLA a regòllere dinare pro ismanniare s'Operatzione Sollievu, progetu pro dare agiudu gratis a sos malàidos de SLA a manera cuncreta cun CONTRIBUTOS ECONÒMICOS PRO SAS FAMÌLIAS IN DIFICULTADE chi tenent bisòngiu de una persone chi ddos mirent e de istrumentos pro s'assistèntzia (letos ispetziales, comunicadores, àteru.) e consulèntzias psicològicas, legales e fiscales. Cun s'Operatzione Sollievu, incomintzada in su 2013, AISLA at pòdidu agiudare 300 FAMÌLIAS donende PRUS DE 560.000 ÈUROS REGORTOS GRÀTZIAS A SAS DONATZIONES DE SA DIE NATZIONALE.

In prus ocannu, gràtzias a s'agiudu de FONDAZIONE MEDIOLANUM ONLUS, su dinare regortu at a èssere destinadu fintzas a su progetu ''Baobab'' chi pro sa prima borta a su mundu, cun un'istùdiu iscientìficu, s'at a ocupare de iscobèrrere dificultades, umores, timorias e emotziones de pipios e de pitzocheddos (8-13 annos) chi tenent su babbu o sa mama cun sa SLA cun sa punna de agatare solutziones chi potzant agiudare sas famìlias a sighire sa crèschida de sos fìgios in su modu mègius mancari in una situatzione de dificultade gasi manna. Su progetu est sustènnidu dae Fondazione Mediolanum Onlus chi a su dinari regortu in sas pratzas nde at a agiùnghere fintzas a lòmpere a unu màssimu de 100.000 ÈUROS. S'istùdiu iscientìficu at a èssere fatu dae su GIP-SLA, su Grupu Italianu Psicologia SLA costituidu in su 2012 a intro de AISLA, in collaboratzione cun sos professores de sa FACULTADE DE PSICOLOGIA DE S'UNIVERSIDADE DE PÀDOVA.

S'ispetamus in meda!

AISLA 'Persones chi agiudant persones...'

Link de riferimentu http://it-it.facebook.com/events/230749004272896/

Pro informatziones

Ufìtziu: Servìtziu Vigilàntzia
Referente: Rosa Puligheddu
Indiritzu: Carrera Taloro 3
Telèfono: 078369044
Fax: 078369407
Posta eletrònica: ufficio.protocollo@comune.bidoni.or.it - polizialocale.bidoni@gmail.com
Posta eletrònica tzertificada: protocollo@pec.comune.bidoni.or.it
(MM)

Link di riferimento

http://it-it.facebook.com/events/230749004272896/

torna all'inizio del contenuto
torna all'inizio del contenuto