Vai a sottomenu e altri contenuti

Vìdeos chi faeddant de Ula

Pro connòschere mègius sa bidda de Ula e totu sas bellesas suas, oe publicamus duos vìdeos. Unu, fatu dae Sardegna TV S.r.l., apartenet a una sèrie intitulada ''Pro Sardigna'' chi proponet unu biàgiu in sas biddas prus interessantes de s'ìsula nostra.

In custu de Ula si bi podet bìere sa bellesa de su territòriu, imparare comente si faghent sos cannisones chi sunt su màndigu tìpicu ulesu, connòschere sa màscara de S'Urtzu e de sos Bardianos.

Su vìdeo si podet bìere culleghende·si a su link http://www.regione.sardegna.it/flv/dl/mp4_hd/pro_sardigna_ula_tirso.mp4.

A propòsitu de S'Urtzu e de sos Bardianos, publicamus finas unu vìdeo chi mustrat s'essida issoro in dies de Carrasegare.

Sa màscara, recuperada in sos Annos Noranta de su sèculu passadu, rapresentat su cuntrastu intre òmines e animale: sos Bardianos cun sas caras intintieddadas corpant s'Urtzu (bestidu de pedde de porcabru) cun sos fustes. A costàgiu de sos Bardianos b'est su Maschinganna chi rapresentat su dimòniu.

Su vìdeo de s'essida de S'Urtzu si podet abbaidare in custu link: http://www.mascheresarde.com/surtzu-e-sos-bardianos/.

(GFP)

Urtzu e Bardianos (foto: http://www.mascheresarde.com/) Urtzu e Bardianos (foto: http://www.mascheresarde.com/)

torna all'inizio del contenuto
torna all'inizio del contenuto