Vai a sottomenu e altri contenuti

Carta de identidade eletrònica

COMUNE DE NEONELI

CARTA DE IDENTIDADE ELETRÒNICA

Dae mèrcuris 8 de austu, si podet pedire sa Carta de Identidade Eletrònica noa (CIE), chi a bellu a bellu at a sostituire sa carta de identidade de paperi chi non s'at a pòdere prus fàghere, francu casos etzetzionales prevididos dae tzirculares ministeriales apòsitas.

Sas cartas de identidade giai emìtidas abarrant vàlidas fintzas a s'iscadèntzia issoro naturale e, duncas, su documentu nou s'at a pòdere pedire ebbia non prima de chentu e otanta dies prima de sa data de custa iscadèntzia.

Sa CIE costat a sos utentes:

• 22,20 èuros cando si faghet sa prima borta o cando si torrat a fàghere ca est iscadida;
• 27,30 èuros si si pedit su duplicadu ca est istada pèrdida, si est ruinada, est istada furada.

Su tzitadinu si depet presentare de persone a sos isportellos de s'Ufìtziu anàgrafe cun sa carta de identidade chi est pro iscadire, una fotografia in formadu tèssera fata dae pagu e sa tèssera sanitària.

Su Comune leat sos datos de su tzitadinu chi benint trasmìtidos a su Ministeru de s'Internu, chi imprentat, personalizat e cunsignat su documentu a s'indiritzu indicadu dae su titulare o in sa sede munitzipale, a intro de 6 dies de fatoria.

Postu in contu ca non si podet prus fàghere e dare su documentu in su matessi momentu chi si pedit, racumandamus a sos tzitadinos de andare a s'Ufìtziu anàgrafe in antis de sa data de iscadèntzia de sa carta de identidade ancora vàlida (ma non in antis de 180 dies de s'iscadèntzia naturale).

S'ammentat, fintzas, ca sos tzitadinos magiorennes tenent sa possibilidade de pedire chi in su documentu issoro siat postu su cunsensu o mancu pro sa donatzione de òrganos e/o tessutos in casu de morte.

(MM)

torna all'inizio del contenuto
torna all'inizio del contenuto