Vai a sottomenu e altri contenuti

Presentada de su primu bilàntziu ambientale

COMUNE DE SORRADILE

SORRADILE: PRESENTADA DE SU PRIMU BILÀNTZIU AMBIENTALE

Sàbadu, su 17 de santandria, a sas 10.30 de mangianu in sa Sala Consiliare, pro sa prima borta s'Amministratzione Comunale de Sorradile at presentadu su Bilàntziu Ambientale suo: un'istrumentu nou de comunicatzione e de programmatzione de sos impignos polìticos, pro informare e sensibilizare sos tzitadinos de sos interventos fatos dae su Comune chi tenent un'efetu ambientale.

Est una cosa noa pro s'Ente, ma fintzas pro totu sa Sardigna: difatis, Sorradile est su primu Comune piticu chi faghet unu mètodu istruturale pròpiu, codificadu e de letura fàtzile pro sos tzitadinos, chi potzat determinare e cantificare sas polìticas ambientales comunales, valutende·nde, pro mesu de indicadores, sos resurtados, s'efitzèntzia e sos efetos.

Sa punna de custu documentu est de promòvere s'iscàmbiu pari pari tra s'Amministratzione Comunale e sos portadores suos de interesses e fintzas garantire una partetzipatzione cumpartida de totu sos tzitadinos e de totu sos istràngios suos a sas chistiones de caràtere ambientale.

Cun su traballu fatu si cheret chi nascat in sos tzitadinos e in sos grupos sotziales su sentidu de s'acostiare de prus a sas istitutziones e de partetzipare a sa vida de su Comune e de tènnere atentzione pro totu sas chistiones ambientales e sos efetos diferentes chi sas mudaduras de su clima podent tènnere in su territòriu in ue bivimus.

Sa presentada est istada introduida dae Pietro Arca, sìndigu de Sorradile e crarida dae dot. Matteo Dianacon cun sa partetzipatzione de sa dot.ssa Silvana Congiu, responsàbile de su Servìtziu Amministrativu e Finantziàriu de su Comune.

(MM)

torna all'inizio del contenuto
torna all'inizio del contenuto