Vai a sottomenu e altri contenuti

Libros pro sos istudiantes


COMUNE DE NEONELI

Provìntzia de Aristanis

C.A.P. 09080 Carrera Roma, 83 - Tel. 0783/67747 - Fax 0783/67764

www.comune.neoneli.or.it - info@comune.neoneli.or.it

protocollo@pec.comune.neoneli.or.it


AVISU A SOS ISTUDIANTES

BANDU DE CUNCURSU CUNFORMA A SA LEGE 23.12.1998 n° 448 art. 27 PRO SA FORNIDURA GRATÙITA O IN PARTE GRATÙITA DE LIBROS DE ISCOLA PRO S'ANNU ISCOLÀSTICU 2018/2019 DE DESTINARE A ISTUDIANTES RESIDENTES IN NEONELI, CHI IN S'ANNU ISCOLÀSTICU 2018/2019 RESURTANT ISCRITOS A SAS ISCOLAS SEGUNDÀRIAS DE 1° E 2° GRADU.

Sas domandas, comente indicadu in s'allegadu, ddas depent presentare in deretura sos sugetos chi faghent sa domanda a s'ufìtziu amministrativu de su Comune de residèntzia a intro de su 12 de nadale 2018 in busta serrada.

S'informat ca pro sa partitzione de sa summa intre a sos chi nde benefìtziant ant a èssere aplicados sos critèrios propostos dae sa Regione Sardigna e cunfirmados dae sa deliberatzione de G.R. n° 52/17 de su 23.11.2018. Sa Regione istabilit custos critèrios:

1) Podent benefitziare de sos contributos pro totu o pro parte de sa fornidura de sos libros de iscola sos babbos e sas mamas o sos chie tenent sa pàtria podestade de alunnos de s'iscola segundària de I e II gradu, istatales e paritàrias, o sos matessi istudiantes si sunt magiorennes de famìlias chi tenent s'indicadore de sa Situatzione Econòmica Ecuivalente (ISEE) non prus artu de € 14.650,00;

2) Sas domandas de cuntzessione de su contributu, compiladas in su modellu allegadu a sa deliberatzione de sa Giunta Regionale n° 52/17 de su 23.10.2018, si depent presentare a su Comune de Residèntzia.

Paris cun sa domanda si depet presentare custa documentatzione:

- tzertificatzione ISEE de sos rèdditos 2018, in vigore, emìtida dae sos organismos cumpetentes,

- decraratzione sostitutiva, cunforma a su D.P.R. N. 445/2000, chi atestat sas ispesas tentas;

3) Su rimborsu pro sa fornidura gratùita e in parte gratùita de sos libros est fatu a custa manera:

- a sos istudiantes de sas iscolas mèdias si torrat totu o in parte s'ispesa de sos libros tenta in s'annu iscolàsticu 2018/2019 ;

- su dinare chi abarrat at a èssere distribuidu intre a totu sos istudiantes de sas iscolas segundàrias de segundu gradu in base a sas domandas presentadas;

- si s'istantziamentu subra indicadu pro unu de sos duos òrdines de iscola resurtat subra-dimensionadu in cunfrontu a sas netzessidades, s'Amministratzione Comunale tenet sa facultade, una borta acuntentadas sas rechestas de cussu gradu de istrutzione, de destinare su dinare in prus pro atzetare sas domandas de s'àteru òrdine de iscola;

- s'importu cuntzèdidu no at a pòdere superare s'ispesa tenta pro comporare sos libros chi serbint.

S‘atributzione de sos contributos dd'at a fàghere su Responsàbile de su Servìtziu Amministrativu cun determinatzione apòsita, mediante sa cumpiladura de una graduatòria de sos chi tenet diritu, chi at a èssere publicada in s'Albo pretòriu pro chimbe dies.

Neoneli 03.12.2018

Su Responsàbile de su Servìtziu Amministrativu

F.tu ( Bianca Maria Corda)

In su situ istitutzionale de su Comune b'est s'allegadu cun sos critèrios e sos mòdulos de sas domandas.

(MM)

torna all'inizio del contenuto
torna all'inizio del contenuto