Vai a sottomenu e altri contenuti

Prèmiu 100 Metas de Itàlia/100 Mete d'Italia

Prèmiu 100 Metas de Itàlia/100 Mete d'Italia

Su 06 de Nadale, a sas 06,00 de sero, in sa Sala Koch de Palatzu Madama, sede de su Senadu de sa Repùblica Italiana, ant fatu sa tzerimònia ufitziales pro sa cunsigna de su Prèmiu 100 Metas de Itàlia/100 Mete d'Italia II^ Editzione. Organizada da Dell'Anna Eventi, in collaboratzione cun sa domo imprentadora RDE, su Prèmiu 100 Metas de Itàlia/100 Mete d'Italia tenet sa punna de dare valore a sas mègius esperièntzias de sas Amministratziones Pùblicas pro megiorare a beru sa calidade de sa vida de sos tzitadinos, in una prospetiva de sostenibilidade e de promotzione de sa cultura; unu prèmiu a cussas comunidades chi ant ischidu mandare a in antis un'idea de tempus benidore originale e autènticu, sentza pèrdere mai su ligàmene cun sas raighinas de su logu de orìgine.

Custu reconnoschimentu tenet unu valore simbòlicu forte e cheret premiare sas biddas d'etzellèntzia chi in Itàlia ant ischipidu traballare a beru pro avalorare su patrimòniu agroalimentare, istòricu, artìsticu, culturale, artigianale e de sa manifatura, enogastronòmicu, turìsticu, chi ant seberadu polìticas a favore de sa tutela de s'ambiente e de su paesàgiu, de sa craresa amministrativa e de sa legalidade, de s'agiudu a sas famìlias cun atentu a sas situatziones de dificultade sotziale, chi ant ischidu favorèssere s'unione e sa partetzipatzione de sa colletividade pro mesu de s'organizatzione de manifestatziones de teatru, culturales, artìsticas, isportivas.

Sa tzerimònia est istada coordinada dae sa giornalista Alda d'Eusanio chi at intervistadu personalidades famadas, rapresentantes de Entes de importu e Istitutziones natzionales, chi sunt in su Comitadu de Onore.

Sos progetos valutados, partzidos in 10 setores, sunt istados cussos chi ant mandadu 100 biddas.

Su Comune de Sorradile, paris a Carmignano di Brenta (PD), Castelnuovo Cilento (SA), Magliano Sabina (RI), Rapino (CH), Refrontolo (TR), San Bellino (RO), San Vito al Tagliamento (PN), Santa Teresa di Riva (ME), Sappada (UD), est istadu sinnaladu pro su prèmiu Girasole pro si èssere distintu in sas polìticas de tutela ambientale, pianificatzione urbanìstica, efitzèntzia energètica, ritziclu, megiorende sa calidade de sa vida de sos tzitadinos.


(MM)

torna all'inizio del contenuto
torna all'inizio del contenuto