Vai a sottomenu e altri contenuti

Iscritzione listas leva

Comune de Bidoniu (Prov. Aristanis)

Òbligu de iscritzione in sas listas de leva

SU SÌNDIGU

Bidu s'art. 1932 de su Còdighe de s'arruolamentu militare, aprovadu cun D.Lgs 15 de martzu 2010, n. 66;

Bidu su su D.P.R. 15 de martzu 2010, n. 90, «Testu ùnicu de sos disponimentos regulamentares in matèria de ordinamentu militare, cunforma a s'art. 14 de sa lege 28 de santandria 2005, n. 246»;

NOTÌFICAT

1. - Totus sos tzitadinos de s'Istadu e sos istràngios chi, cun s'arruolamentu in s'Esèrtzitu (o in àteru modu prevididu dae sa lege subra sa tzitadinàntzia 5 de freàrgiu 1992, n. 91) ddu podent diventare, chi in custu annu currente lompent sos deghessete annos de edade e chi, pro sa leva, si depent cunsiderare a manera legale domitziliados in custu Comune cunforma a s'artìculu 1932 de su decretu legislativu n. 66/2010 in antis mentovadu, sunt obligados a domandare a intro de trinta dies dae oe, s'iscritzione issoro in sas listas de leva e a dare sos crarimentos chi in custa ocasione ddis ant a pòdere pedire.

Su matessi òbligu tenent sos residentes in custu Comune chi non tenent peruna tzitadinàntzia.

Cando sa domanda non dda faghet de persone unu de sos giòvanos in antis mentovados, tenent s'òbligu de dda fàghere sos genitores o sos tutores.

2. - Sos giòvanos chi non sunt domitziliados in custu Comune, ma chi bi tenent sa dimora abituale cunforma a s'artìculu 43 de su còdighe tzivile, tenent sa facultade de si fàghere iscrìere in custas listas de leva pro resone de residèntzia.

In custu casu sa domanda issoro balet, pro su chi pertocat sa leva, a sa prova de cambiamentu de domitzìliu, cunforma a s'artìculu 44 de su matessi còdighe tzivile.

3. - Sa publicatzione de custu manifestu balet comente avisu de inghitzu de su protzedimentu de iscritzione in sas listas de leva, cunforma a s'art. 1932, comma 3, de su D.Lgs. n. 66/2010.

Custu avisu in relatzione a su dispostu de s'art. 32, comma 1, de sa lege 18 de làmpadas 2009, n. 69, est publicadu in su situ web istitutzionale de custu comune.

Dae sa residèntzia comunale, su 1u de ghennàrgiu 2019

Su Sìndigu

Ilaria Sedda

_____________________________________________________________________________________________

In s'avisu publicadu in italianu in su situ web istitutzionale de su Comune, bi sunt fintzas sos artìculos 1932 e 1933 de su D.Lgs 15 de martzu 2010, n. 66

(MM)

torna all'inizio del contenuto
torna all'inizio del contenuto