Vai a sottomenu e altri contenuti

Eliminare sas barrieras architetònicas

Si dat a ischire a chie est interessadu chi sas domandas pro otènnere contributos pro eliminare sas barrieras architetònicas in domos privadas (a tenore de sa Lege 13/1989) cherent presentadas a sos Comunes intro de sa prima die de martzu 2019.

Pro fàghere sa domanda tocat a tènnere custas caraterìsticas:

- invalididade (si dat preferèntzia a chie tenet invalididade a su 100% cun dificultade a caminare reconnota dae s'Agentzia de Tutela de sa Salude cumpetente);

- residèntzia in sa domo in ue cherent fatos sos megioros;

- autorizatzione de su mere de sa domo (si no est de propiedade de chie faghet sa domanda);

- sos traballos non devent èssere giai fatos e mancu comintzados.

Ite documentos bi cheret:

1) domanda fata segundu s'ischema preparadu dae s'Assessoradu (bi cheret sa marca de bullu);

2) decraratzione sostitutiva de atu de notoriedade;

3) tzertificadu mèdicu fatu dae su dutore de famìllia;

4) tzertificadu ATS (o fotocòpia autenticada) chi atestat s'invalididade a su 100% cun dificultade a caminare;

5) autorizatzione de su mere de sa domo (in casu chi non siat sa matessi persone chi faghet sa domanda).

Sas informatziones si podent pedire in su Comune de residèntzia, in ue si podet ritirare sa documentatzione intro de su 28 de freàrgiu.

Sa data de iscadèntzia pro presentare sas domandas est sa prima die de martzu 2019.

(GFP)

Link di riferimento

http://www.unionecomunibarigadu.it/download/eyJpdiI6InFHeE9UOTZwUmRHYlVvRktxa29kUVE9PSIsInZhbHVlIjoiQkN0VkprRVwvZm03MmpIOFRWN2RwSUh5MWcxS1FzN1AwSWlTUjBrWWc5ZTg9IiwibWFjIjoiMjIzMjZjMDQ2MDUzOTY0MTE1YzAz

torna all'inizio del contenuto
torna all'inizio del contenuto