Vai a sottomenu e altri contenuti

Normativa B&B

COMUNE DE FORDONGIANUS

Diretivas de atuatzione pro sa disciplina de sos bed&breakfast (b&b) chi sunt indicados in s'artìculu 16 comma 1 de sa lege regionale 28 de trìulas 2017 n. 16.

Sa Giunta Regionale cun deliberatzione n. 55/20 de su 13/11/2018 at aprovadu sas diretivas de atuatzione pro sa disciplina de sas caraterìsticas, de sos rechisidos, de sas modalidades istruturales e de esertzìtziu e fintzas de sa classificatzione de sas istruturas retzidoras de sa tipologia bed&breakfast chi sunt numenadas in s'artìculu 16, comma 1, de sa lege regionale 28 de trìulas 2017, n. 16, (Normas in matèria de turismu).

Sa deliberatzione paris cun sas diretivas sunt istadas trasmìtidas, pro tènnere su parre, a sa Cummissione cumpetente de su Consìgiu regionale cunforma a s'artìculu 24, comma 3, de sa matessi lege regionale n. 16 de su 2017.

Como, sa Giunta Regionale cun deliberatzione n. 1/13 de s'/8/01/2019 at aprovadu a manera definitiva sas diretivas de atuatzione pro sa disciplina de sas caraterìsticas, de sos rechisidos, de sas modalidades istruturales e d'esertzìtziu e fintzas de sa classificatzione de sas istruturas retzidoras de sa tipologia bed&breakfast indicados in s'artìculu 16, comma 1, de sa lege regionale 28 de trìulas 2017, n. 16, (Normas in matèria de turismu).

S'artìculu 17 (norma transitòria) de sas diretivas istabilit ca:

1. Custas diretivas intrant in vigore sa die de sa publicatzione in su Bulletinu Ufitziale de sa Regione Autònoma de Sardigna (BURAS).

2. Sos b&b chi esistint, comente definidu dae s'artìculu pretzedente n. 2, comma 2, lìt, b) si depent adeguare a custas diretiva a intro de 120 dies dae sa data indicada in su comma 1 de custu artìculu. A intro de sas trinta dies a pustis depent presentare sa documentatzione autotzertificativa a su SUAPE cumpetente.

3. Su non presentare, a intro de s'iscadèntzia previdida dae su comma pretzedente n. 2, s'autotzertificatzione a su SUAPE faghet decadire luego luego su tìtulu abilitativu.

Sos Bed and Breakfast chi esistint giai depent:

1) a intro de su 7 de làmpadas 2019 adeguare s'esertzìtziu de s'atividade a sas diretivas noas regionales;

2) a intro de su 7 de làmpadas 2019, a pustis de àere adeguadu s'esertzìtziu a sas diretivas noas, presentare a su SUAPE sa decraratzione autotzertificativa apòsita chi est su modellu F-46 'Bed & Breakfast'.

In su situ istitutzionale de su Comune de Fordongianus est istada publicada sa Deliberatzione G.R. 1/13 de s'08.01.2019 e s'allegadu cun sas diretivas.

(MM)

torna all'inizio del contenuto
torna all'inizio del contenuto