Vai a sottomenu e altri contenuti

UNU SÈBERU IN COMUNE (2)

COMUNE DE FORDONGIANUS

UNU SÈBERU IN COMUNE

ESPRESSA SA VOLUNTADE TUA IN CONTU DE SA DONATZIONE DE SOS ÒRGANOS E DE SOS TESSUTOS

INFORMA·TI, DETZIDE E FIRMA

DAE OE, SI CHERES ESPRESSARE SA VOLUNTADE TUA IN CONTU DE SA DONATZIONE DE ÒRGANOS E TESSUTOS EST PRUS FÀTZILE ANCORA. Cando retiras o torras a fàghere sa carta de identidade pedi a s'ufitziale de s'anàgrafe su mòdulu pro sa dichiaratzione, espressa in su giassu indicadu sa voluntade tua, firma·ddu e torra·ddu a dare a s'operadore. Sa detzisione tua at a èssere mandada in su momentu etotu a su Sistema Informativu Trapiantos, sa banca datos de su Ministeru de sa Salude chi regollet totu sas dichiaratziones de sos tzitadinos magiorennes. Si podet semper cambiare idea in contu de sa donatzione ca est vàlida s'ùrtima dichiaratzione fata in su tempus.

SAS ÀTERAS MODALIDADES PRO TI ESPRESSARE IN CONTU DE SA DONATZIONE:

COMENTE E IN UE

1) Pedi su mòdulu a sa ASL de apartenèntzia tua;

2) Firma s'atu ològrafu de s'AIDO (Assòtziu Italianu Donadores de Òrganos, Tessutos e Tzèllulas);

3) Compila e firma su Tesserinu Blu cunsignadu dae su Ministeru de sa Salude in su 2000 o sas tèsseras distribuidas dae Assòtzios de su setore. In custu casu ddu depes tènnere semper in fatu;

4) Iscrie in unu fòlliu de paperi simpre sa voluntade tua, ammenta de pònnere sos datos anagràficos, sa data e sa firma tua. Custu fòlliu ddu depes custoire cun sos documentos personales tuos.

SA DICHIARATZIONE DEPOSITADA IN SOS COMUNES, SAS ASL E S'AIDO EST REGISTRADA E SI PODET CONSULTARE CUN SU SISTEMA INFORMATIVU TRAPIANTOS. NO BI SUNT LÌMITES DE EDADE PRO ESPRESSARE SA VOLUNTADE PRÒPIA.

torna all'inizio del contenuto
torna all'inizio del contenuto