Vai a sottomenu e altri contenuti

Avisu Sagra de s'anzone 2019

COMUNE DE BIDONIU

SAGRA DE S'ANZONE 2019

Si comùnicat ca est istadu aprovadu su Disciplinare de sa Sagra de S'Anzone 2019, totu sos interessados sunt invitados a ddu lèghere e a nde sighire sas indicatziones, pro presentare sa domanda de partetzipatzione a intro de su 10 de abrile 2019.

***************************************+

DISCIPLINARE

XXI^ EDITZIONE SAGRA DE S'ANZONE

Bidoniu - 22 de abrile 2019

Allegadu a sa Deliberatzione de sa Giunta Comunale n. 07 de su 25/01/2019

Art. 1

S'amministratzione comunale de Bidoniu, cun sa collaboratzione de sa Pro Loco de Bidoniu, organizat sa de XXI editziones de sa Sagra de s'anzone (2019).

Art. 2

Sa manifestatzione in programma tenet sa punna de promòvere s'angione IGP e sos benes culturales e de s'ambiente de su territòriu comunale.

Art. 3

Sa data de sa manifestatzione est fissada pro su 22 de abrile 2019, in ocasione de sa die infatu de Pasca Manna.

Art. 4

Sa manifestatzione si faghet in sa pineta de ''Istei''.

Art. 5

Su Comune dèlegat pro s'organizatzione de sa manifestatzione sa Pro Loco de Bidoniu.

Art. 6

Su contributu comunale, istabilidu cun apòsita Deliberatzione de sa Giunta Comunale, at a dèpere èssere impreadu pro:

- publitzidade de sa manifestatzione;

- promotzione de sos produtos agroalimentares e artigianale locales;

- organizatzione e logìstica;

- ispesas pro sa festa e pràngiu organizadu,

- servìtzios pro retzire sos turistas.

Art. 7

Est proibida sa presèntzia de ambulantes in sas carreras de sa bidda e s'impreu de istrumentos publitzitàrios non cuncordes a sa manifestatzione (cartellonìstica, manifestos, tendàgios e àteru.) apicados a foras de su giassu destinadu a sa manifestatzione.

Su tràficu de sos mezos e e sos giassos de parchègiu prevididos pro sa manifestatzione ant a èssere regulados cun ordinàntzia apòsita.

Art. 8

Sa manifestatzione est aberta a operadores de su cummèrtziu, de s'artigianadu e a sos chi produint cosas pro passione e non pro traballu, locales e istràngios, chi tèngiant tìtulos abilitativos regulares e in règula cun su pagamentu de sas tassas de ocupatzione de su terrinu pùblicu.

Art. 9

Est proibidu a sos operadores autorizados, de lassare pònnere in su giassu issoro, àteros operadores chi no apant presentadu domanda regulare e pagadu sa tassa indicada in s'artìculu 8.

Art. 10

Sa tarifa pro s'ocupatzione de su terrinu pùblicu est € 12,00 (dòighi/00 èuros), a sa die fintzas a 4 metros cuadros de logu ocupadu e s'at a versare in su c.c.p. 16492092, intestadu a: Servìtziu de Tesoreria - Comune de Bidoniu cun custa causale: ''Ocupatzione terrinu pùblicu Sagra de s'anzone 2019''.

Art. 11

Totu sos operadores chi partètzipant sunt obligados a fàghere sa regorta seberada de s'àliga e a fine espositzione a lassare pulidu e in òrdine su logu ocupadu.

Art. 12

Est proibidu dare ite bufare in cuntenidores de bidru o allumìniu, si depent impreare ebbia tassas de plàstica.

Art. 13

Sos interessados a sa manifestatzione podent fàghere sa domanda de partetzipatzione in paperi simple; est de òbligu mandare paris custos documentos:

- Tìtulu abilitativu in vigore

- Documentu de identidade in vigore

- Retzida de su pagamentu TOSAP

Art. 14

Sas domandas de partetzipatzione depent èssere presentadas, non b'est pròroga, a intro de su 10 de abrile 2019 a s'Ufìtziu Politzia Locale e a s'Ufìtziu Protocollu, a manos o cun sa posta eletrònica tzertificada (protocollo@pec.comune.bidoni.or.it).

Sas domandas chi ant a arribare a su protocollu de su Comune a pustis de sa data fissada, o sentza sa documentatzione pedida, ant a èssere esclùdidas.

Ant a èssere tzerriados ebbia sos chi sunt autorizados a partetzipare a sa manifestatzione.

Sos chi no ant a èssere tzerriados a manera automàtica ant a èssere esclùdidos e no ant a pòdere fàghere nudda in sos cunfrontos de s'organizatzione.

Art. 15

S'ufìtziu de Politzia Locale at a assignare sos giassos cun custas prioridades:

- òrdine de arribu a su protocollu de sas domandas in règula pro pòdere partetzipare, in su rispetu de sas clàusolas indicadas in sos artìculos13 e 14 de custu regulamentu.

Art. 16

Custu disciplinare intrat in vigore a sa data d'esecutividade de sa deliberatzione de aprovatzione dae parte de sa Giunta Comunale.

Su sutascritu ______________________________________________________________ Còdighe Fiscale _________________________________________ essende titulare de sa dita ______________________________________________________________

Dichiarat de àere lèghidu e aprovadu su disciplinare de sa Sagra de S'Anzone 2019, de XXI sagras.

Firma e timbru pro Atzetatzione

(MM)

torna all'inizio del contenuto
torna all'inizio del contenuto