Vai a sottomenu e altri contenuti

Avisos e àutos in limba sarda de su Comune de Bidoniu

CUNTZESSIONE BONOS ALIMENTARES - ABERTA TORRA S'ISCADÈNTZIA PRO SA MENSILIDADE LÀMPADAS TRÌULAS 2020

Su Responsàbile de su Servìtziu Sotziale Assotziadu in esecutzione de sa Deliberatzione de su Consìgiu de Amministratzione de su 17/06/2020 e Determinatzione de su Responsàbile de su Servìtziu Sotziale Assotziadu n. 2016 de su 18/06/2020,

FAGHET PÙBLICU

ca si podet presentare domanda, a su Comune de residèntzia, pro otènnere unu ''bonu ispesa'' gasi comente prevididu dae s'Ordinàntzia de su Capu de su Dipartimentu de sa Protetzione Tzivile n. 658 de su 30/03/2020, pro comporare gèneres alimentares de prima netzessidade e sa bòmbola de su gas.

Dae sa nova in limba italiana, publicada in su situ istitutzionale de su Comune de Bidoniu, si podent iscarrigare su Mòdulu pro sa domanda e s'Avisu.

Pro informatziones:

Ufìtziu/Òrganu: Àrea Sotziu Culturale

Referente: Maria Mascia

Indiritzu: Carrera Taloro 3, 09080 Bidoniu (ARISTANIS)

Telèfono: 078369044

Fax: 078369407

Posta eletrònica: assistente.sociale@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

INDITOS IMU 2020

Imposta Munitzipale Pròpia 2020

Dae su 1° de ghennàrgiu 2020 s'Imposta Munitzipale Pròpia (IMU) est disciplinada dae sa Lege n.160/2019 chi at mudadu meda sa IUC (Imposta Ùnica Comunale) abolende sas partes IMU e TASI e mantenende, sentza dda mudare, sa normativa chi pertocat sa TARI.

S'IMU noa 2020 mantenet s'esentzione giai previdida pro sa TASI pro s'abitatzione printzipale e sas pertinèntzias chi ddi pertocant e pro cussas agualadas a sa matessi abitatzione printzipale, si apartenent a sas categorias catastales diferentes da A/1, A/8 e A/9 (abitatziones de lussu).

In prus su decretu Rilancio (D.L. n. 34 de su 19/05/2020) in s'art. 177 at istabilidu ca, cunsiderende sa situatzione dèpida a s'emergèntzia sanitària dae COVID 19, pro s'annu 2020, non si depet pagare sa prima rata de s'IMU pro custos immòbiles:

a) immòbiles impreados comente istabilimentos balneares de mare, lagu e frùmene, e in prus immòbiles de sos istabilimentos de sas termas;

b) immòbiles chi faghent parte de sa categoria catastale D/2 e immòbiles de sos agriturismos, de sos villàgios turìsticos, de sos ostellos de sa gioventude, de sos rifùgios de monte, de sas colònias de mare e de monte, de sos locales de aposentos in afitu pro pagas dies, de sas domos e apartamentos pro sas vacàntzias, de sos Bed & breakfast, de sos residence e de sos campègios, si sos propietàrios sunt fintzas sos gestores de sas atividades in cue esertzitadas.

Alìcuotas e Versamentos 2020

Sas alìcuotas 2020 sunt in fase de aprovatzione a intro de su mese de santugaine paris cun su regulamentu nou.

In sa prima aplicatzione de s'imposta, sa prima rata de pagare si depet determinare in base a sos impositivos sussistentes presupostos in sos primos ses meses de su 2020, aplichende s'alìcuota e sa detratzione in vigore in s'annu 2019 e sa segunda rata at a èssere carculada a conguàlliu in base a sas alìcuotas deliberadas pro s'annu 2020.

Sos contribuentes depent pagare s'imposta, pro ocannu, in duas ratas:

● prima rata a intro de su 16 de làmpadas 2020

● segunda rata a intro de su 16 de nadale 2020

Semper e cando est ammìtidu su pagamentu totu in una borta a intro de sa prima iscadèntzia. Si si pagat totu in una borta, no essende ancora deliberadas sas alìcuotas 2020, si depet averiguare chi non bi siant variatziones.

Documentos allegados a sa nova in limba italiana publicada in su situ istitutzionale de su Comune de Bidoniu: Istruzioni

Pro informatziones:

Ufìtziu/Òrganu: Servìtzios Finantziàrios

Referente: Claudio Zago

Indiritzu: Carrera Taloro 3, 09080 Bidoniu (ARISTANIS)

Telèfono: 078369044

Fax: 078369407

Posta eletrònica: servizio.ragioneria@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Emergèntzia COVID-19 DPCM 11/06/2020

Su Presidente de su Consìgiu, Giuseppe Conte, in ocasione de sas decraratziones a sos giornalistas pro su chi pertocat su Consìgiu de sos Ministros n. 51, at annuntziadu de àere firmadu su Dpcm chi autorizat de torrare a abèrrere àteras atividades.

Custas sunt una pariga de sas sas mesuras in vigore dae su 15 de làmpadas.

Sas atividades de sas salas de giogu, salas iscummissas, salas bingo, gasi comente sas atividades de sos tzentros benessere, tzentros termales, culturales e tzentros sotziales sunt cunsentidas ma a cunditzione chi Regiones e Provìntzias autònomas apant in antis atzertadu la cumpatibilidade de custas atividades cun s'andamentu de sa curva epidemiològica.

Aberint sos tzentros de s'istiu fintzas pro sos pipios dae 0-3 annos de edade.

Torrant a incomintzare sos ispetàculos abertos a su pùblicu, sos teatros, sas salas pro sos cuntzertos, sos tzìnemas e in àteros giassos fintzas in foras (non solu in logu serradu) ma cun carchi cautela/prudèntzia. Imbetzes abarrant firmas totu sas atividades in sas salas de ballu, discotecas, locales sìmiles a intro e in foras (in giassos serrados e in foras).

Abarrant suspèndidas fintzas a su 14 de trìulas 2020 sas fieras e cungressos, imbetzes, sos cursos professionales s'ant a pòdere fàghere in presèntzia.

In matèria de ispostamentos dae e pro s'èsteru est crèschidu a 120 oras (5 dies) su perìodu màssimu de permanèntzia sentza s'òbligu de barantena domitziliare pro chie intrat in su territòriu natzionale pro resones de traballu, gasi comente pro su personale de impresas o entes chi tenent sa sede legale o segundària in Itàlia chi andat a s'èsteru pro resones de traballu documentadas.

Dae su 12 de làmpadas, torrant a incomintzare sas manifestatziones e sas cumpetitziones isportivas a ghennas serradas o in foras ma sentza sa presèntzia de su pùblicu rispetende sos protocollos de seguresa emìtidos pro ognunu dae sas Federatziones isportivas pròpias cun sa punna de evitare sas ocasiones de contàgiu. Dae su 25 de làmpadas 2020 si podet fàghere fintzas isport de cuntatu in sas Regiones e Provìntzias Autònomas chi, de acordu cun su Ministeru de sa Salude e de s'Autoridade de Guvernu delegada in matèria de isport, apant in antis atzertadu sa cumpatibilidade de custas atividades cun s'andamentu de sa situatzione epidemiològica in sos territòrios rispetivos.

fonte : Guvernu

Documentos allegados

Tìtulu:

DPCM 11.06.2020

Allegati DPCM 11/06/2020

Pro informatziones

Ufìtziu/Òrganu: Sìndigu

Referente: Ilaria Sedda

Indiritzu: Carrera Taloro 3

Telèfono: 078369044

Fax: 078369407

Posta eletrònica: sindaco@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Emergèntzia COVID 19 - Ordinàntzia n. 27 de su 02/06/2020 de su Presidente de sa Regione Sardigna

REGISTRATZIONE PASSIGERIS CHI ARRIBANT IN SARDIGNA

In base a s'ordinàntzia de su Presidente de sa Regione n. 27 de su 2 Làmpadas 2020 totu sos passigeris in arribu in Sardigna in antis de s'imbarcare in lìnias aèreas o marìtimas sunt tentos a si registrare impreende su mòdulu apòsitu a disponimentu in custa piataforma:

https://sus.regione.sardegna.it/sus

Pro cale si siat pregunta de informatziones si podet iscrìere a custa casella de posta eletrònica: urp.emergenza@regione.sardegna.it.

N.B. Pro sos passigeris chi apant giai pedidu e otentu s'autorizatzione cunforma a sas normas prevididas in sas ordinàntzias giai in vigore, s'autorizatzione giai otenta est parìvile a sa registratzione.

Fintzas a su 12 de làmpadas 2020 pro sos passigeris chi no apant provididu a compilare sa registratzione a manera telemàtica in antis de s'imbarcare si podet compilare a manos su mòdulu in pitzu de sa nave o de s'aèreu, chi si depet cunsignare cando a s'arribat a su presìdiu mèdicu sanitàriu de su portu o aeroportu chi dd'at a dare a sos ufìtzios regionales cumpetentes.

In prus, a totu sos biagiadores si depet mesurare sa temperadura de su corpus e depent compilare s'ischeda de chirca de possìbiles infetziones o cuntatos passados cun su Covid-19.

In sa nova in limba italiana s'agatat s'Ordinàntzia n. 27 de su Presidente de sa Regione Sardigna

Pro informatziones:

Ufìtziu/Òrganu: Sìndigu

Referente: Ilaria Sedda

Indiritzu: Carrera Taloro 3

Telèfono: 078369044

Fax: 078369407

Posta eletrònica: sindaco@comune.bidoni.or.it

Posta eletrònicatzertificada: protocollo@pec.comune.bidoni.or.it

(08.06.2020 MM)

Emergèntzia COVID-19 DPCM 17/05/2020 e Ordinàntzia de su Presidente de sa Regione Sardigna n. 23 de su 17 de maju 2020

Ite mutat dae su 18 de maju 2020, sas mesuras prevididas de pretzisu dae su DPCM 17/05/2020 e dae s'Ordinàntzia de su Presidente de sa Regione Sardigna n. 23 de su 17 de maju 2020.

Su 18 de maju torrant a abèrrere atividades meda, bastat chi rispetent sos inditos ghia giai publicados in antis:

§ cummèrtziu a sa minuda in sede fissa;

§ cummèrtziu in giassos pùblicos (mercados, giassos foras de sos mercados e àteros);

§ agentzias de servìtzios (pro nàrrere: agentzias de biàgiu e agentzias immobiliares);

§ servìtzios pro dare alimentos e bevandas e atividades, fintzas artigianales, pro ddos leare a àteru logu o de consumare in su matessi giassu in ue si bendent (bar/tzilleris, pub, ristorantes, gelaterias, pastitzerias);

§ istruturas ritzetivas alberghieras, istruturas ritzetivas in logu abertu, allògios in agriturismu;
atividades turìsticas chi pertocant a sa balneatzione;

§ torrant a abèrrere fintzas sas marinas lìberas; sos museos e àteros istitutos e logos de sa cultura;

§ ufìtzios abertos a su pùblicu, pùblicos e privados, istùdios professionales e servìtzios amministrativos;
cura de sos giardinos e giassos birdes;

§ tirotzìnios extracurriculares a mercadu.

Dae su 21de maju:

§ Torrant a abèrrere a s'aviatzione generale, cheret nàrrere a sos bolos privados, totu sos aeroportos regionales. Sos traghetos e su tràficu normale passigeris, abarrat limitadu. Abarrat s'òbligu de s'isulamentu fidutziàriu de 14 dies pro chie arribat in Sardigna, francu pro sas categorias esclùdidas.

Artìculos de s'Ordinàntzia de su Presidente de sa Regione Sardigna n. 23

Mascareddas obligatòrias in sos locales abertos a su pùblicu:

Art. 1) In su territòriu regionale est de òbligu pònnere sa mascaredda in totu sos locales abertos a su pùblicu. Custu òbligu balet fintzas in sos giassos abertos in ue non si podet mantènnere sa distàntzia de a su nessi unu metru s'unu dae s'àteru.

Non ddue cheret prus s'autotzertificatzione pro si mòvere a intro de sa Sardigna:

Art. 2) Dae su 18 de maju 2020, tzessant sos efetos de sas mesuras chi limitant sa tzirculatzione a intro de su territòriu regionale.

Cunfermadu fintzas a su 2 de làmpadas s'isulamentu fidutziàriu de 15 dies pro chie arribat in Sardigna:
Art. 3) Totu sos sugetos chi arribant in Sardigna, cale si siat su logu de provenièntzia, dae su 18 de maju 2020 tenent s'òbligu de abarrare in permanèntzia domitziliare cun isulamentu fidutziàriu pro 14 dies, e in custas dies ddis est vietadu de si mòvere in totu su territòriu regionale, francu sos casos a manera esplìtzita prevididos in dèroga dae normas istatales o regionales.

Tenent, fintzas, s'òbligu:

a) de comunicare custa situatzione a su dotore issoro de meighina generale o a su pediatra de lìberu sèberu o a s'operadore de sanidade pùblica de su servìtziu de sanidade pùblica cumpetente pro su territòriu;

b) de compilare su mòdulu allegadu suta sa lìtera ''A'' de s'ordinàntzia in antis, sa n. 4, in data 08/03/2020 integradu cun sos disponimentos de s'Ordinàntzia n. 5 de su 09/03/2020, sighende sas modalidades indicadas in sa setzione ''NUOVO CORONAVIRUS'' chi s'agatat in sa homepage de su situ istitutzionale de sa Regione Sardigna;

c) si bi sunt sìntomos, de avisare luego luego a su dotore issoro de meighina generale o a su pediatra de lìberu sèberu o a s'operadore de sanidade pùblica de su servìtziu de sanidade pùblica cumpetente pro su territòriu pro ogni inditu chi nde cunsighit, abarrende a disponimentu pro cale si siat atividade de sorvelliàntzia;

Art. 4) Pro dare atuatzione de sos disponimentos de s'art. 3, postu in anti a custu, est de òbligu a sos imprendidores aèreos e navales, a sas sotziedades de gestione de sos iscalos e a sas àteras autoridades, semper e cando cumpetentes, de leare e pònnere a disponimentu de sa Regione Sardigna sos nùmenes e sos recàpitos de sos chi viagiant dae su 18 de maju 2020 in sas lìnias de collegamentu cun sa Sardigna, respetende sas modalidades de cuncordare cun sa Diretzione generale de sa protetzione tzivile.

Art. 5) Sos nùmenes e sos recàpitos leados cunforma a sos artìculos in antis e de sas Ordinàntzias n. 4 de s'08/03/2020 e n. 5 de su 09/03/2020, sunt tratados dae sa Regione Sardigna, cunforma a s'artìculu 5 de s'Ordinàntzia de su Capu de su Dipartimentu de sa Protetzione tzivile n. 630 de su 3 de freàrgiu 2020 e in su rispetu de su Regulamentu n. 2016/679/UE, cunforma a sas mesuras apropriadas e proportzionadas a sa tutela de sos diritos e de sas libertades de sos interessados, sunt postos in una banca datos regionale apòsita, impreada pro sas atziones de osservatzione costante de sos sugetos interessados in sas batòrdighi dies de isulamentu fidutziàriu dispostu e in collaboratzione cun sas fortzas de s'òrdine, sos Comunes e sas Aziendas Sanitàrias cumpetentes in su territòriu.

Art. 6) Pro su personale de sas naves e de sos aèreos de lìnia chi arribant in Sardigna e fintzas pro sos autistas de sos servìtzios naveta prepostos a sos trasferimentos issoro si àplicant custos disponimentos ispetziales, giai prevididos dae s'ordinàntzia n. 5 de su 09/03/2020:

a) Su personale, giai subra naradu, non si depent istesiare dae s'istrutura ritzetiva in ue pernotant o dae sos pròpios abitòrios fintzas a cando, comente prevididu, depent torrare a tzucare evitende, in su perìodu de permanèntzia in Sardigna, ogni cuntatu;

b) sos bagàllios de custu personale, a pustis de èssere cunsignados torra in sos nastros, depent èssere mòvidos ebbia dae sos propietàrios issoro;

c) sos autistas de sos servìtzios naveta incarrigados de su trasferimentu de su personale, depent pònnere sos dispositivos de protetzione individuale idòneos, comente mascaredda cun filtru non inferiore a FFP2, guantes e otzaleddos o bisera de protetzione. A s'acabbu de ogni servìtziu, sas superfìtzies a intro de su mezu de trasportu depent èssere disinfetadas cun ipocloritu de sòdiu a su 0,1% a pustis de àere pulidu cun detergente nèutru.

Art. 7) Sa mesura de sa permanèntzia domitziliare de s'art.1 est de non dda cunsiderare in sos casos a manera crara disciplinados dae sas notas prot. n.2593 de su 10/03/2020 e prot. n.03EM de su 16/03/2020, esplicativas de sas ordinàntzias de su Presidente de sa Regione n. 5 de su 09/03/2020 e n. 9 de su 14/03/2020, cun sas cunditziones in custos documentos prevididas, e fintzas a sas àteras previsiones in prus de su Decretu interministeriale n. 145 de su 03/04/2020. Sa permanèntzia domitziliare est esclùdidas fintzas pro su personale de sas Fortzas Armadas/Fortzas de s'Òrdine, a cunditzione chi siat sutapostu a controllu sanitàriu dae sos òrganos sanitàrios militares cumpetentes e pro sos Òrganos costitutzionales in s'acumprimentu de sas funtziones pròpias.

Art. 8) S'eficatzidade de sos disponimentos de s'ordinàntzia n.6 de su 13 de martzu 2020 (gasi comente prorogada e modificada dae sas ordinàntzias n.12 de su 25.03.2020, n.14 de su 3.04.2020, n.19 de su 13de abrile 2020, n.20 de su 2 de maju 2020) est prorogada fintzas a su 02.06.2020, francu àtera pròroga esplìtzita.

Art. 9) S'ordinàntzia n.9 de su 14.03.2020 (gasi comente modificada e prorogada dae sas ordinàntzias n. 13 de su 25.03.2020, 15 de su 3.04.2020, n. 19 de su 13 abrile 2020, n. 20 de su 2 de maju 2020) est prorogada fintzas a su 02.06.2020, francu àtera pròroga esplìtzita. A s'art. 2, comma 1, de s'ordinàntzia mentovada n. 9, a pustis de sos faeddos ''dae s'aeroportu de Casteddu'' (''dall'aeroporto di Cagliari'') est atzuntu s' intzisu ''e Terranoa'' (''e Olbia'').

Torrant a tzucare sos bolos privados in totu sos aeroportos regionales:

Art. 10) Francu cantu prevididu dae s'artìculu 9 de custa ordinàntzia, in sos aeroportos de totu su territòriu regionale sunt permìtidas sas atividades de aviatzione generale dae su 21 de maju 2020, fata in antis sa sutiscritzione tra Regione e Sotziedades de gestione aeroportuales de inditos ghia apòsitos chi pertocant sos controllos de fàghere a sos passegeris in intrada, validadas dae su Comitadu tècnicu iscientìficu istituidu pro fàghere fronte a sa difusione epidemiològica de su Covid-19 in Sardigna cun deliberatzione de sa Giunta regionale n.17/4 de su 01/04/2020, comente integradu cun deliberatzione n. 24/9 de s'08/05/2020.

Art. 11) S'incomintzu torra de su tràficu passegeris de lìnia de s'aviatzione cummertziale chi nde derivat dae s'abertura torra de s'aeroportu de Terranoa dipendet dae sa sutiscritzione de unu Protocollu ispetzìficu tra s'Autoridade Sanitària Regionale e sa Sotziedade de Gestione Aeroportuale GEASAR pro sa disciplina de sos controllos sanitàrios collegados a s'emergèntzia epidemiològica dae CoVid-19 in sos passegeris in intrada, fintzas cunsiderende intzidèntzia prus arta de su nùmeru de casos positivos in sa Provìntzia de Tàtari in cunfrontu a s'àteru territòriu regionale.

Custas sas atividades chi torrant a incomintzare dae su 18 de maju:

Art. 12) Totu sas atividades giai cunsentidas dae sas ordinàntzias nn. 20 de su 2 de maju 2020 e 22 de su 13 de maju 2020 sunt prorogadas fintzas a su 2 de làmpadas 2020, francu àteras pròroga in prus.

Art. 13) In s'àmbitu de su territòriu regionale, cunsiderende su valore carculadu de s'ìnditze de trasmissibilidade Rt (R cun t) paris a 0,24 e fintzas chi custu non nche passet su lìmite de 0,50, cunsiderende sa publicatzione de sos indicadores prevididos dae su D.M.S. in data 30 abrile 2020 de su Ministeru de sa Salude, chi tzertìficat sa cumpatibilidade se s'acumprimentu de sas atividades chi ant a èssere descritas mègius prus a in antis e cun s'andamentu de sa situatzione epidemiològica in su territòriu regionale cunforma a s'art. 1, primu comma, lìteras dd), ee) e gg) de su DPCM 17 de maju 2020, abarrende semper vàlida sa proibitzione de atropòlliu e de respetare sa distàntzia personale, in cunformidade a sos dispomimentos ghia pro torrare a abèrrere sas atividades econòmicas e produtivas aprovadas dae sa Cunferèntzia de sas Regiones e de sas Provìntzias Autònomas in data 16 de maju 2020 e allegadas a su richiamadu DPCM (All. 17), dae su 18 de maju 2020 est cunsentidu de abèrrere sas atividades de
a) Cummèrtziu a sa minuda in sede fissa, cummèrtziu in giassos pùblicos (mercados, giassos foras de sos mercados e àteros) agentzias de servìtzios (pro nàrrere: agentzias de biàgiu e agentzias immobiliares);

b) Servìtzios pro dare alimentos e bevandas e atividades, fintzas artigianales, pro ddos leare a àteru logu o de consumare in su matessi giassu in ue si bendent (bar/tzilleris, pub, ristorantes, gelaterias, pastitzerias);

c) Atividades turìsticas chi pertocant a sa balneatzione;

d) Istruturas ritzetivas alberghieras, istruturas ritzetivas in foras, allògios in agriturismu;
e) Cummèrtziu a sa minuda;

f) Cummèrtziu a sa minuda in giassos pùblicos ( mercados, fieras e mercato de traballos fatos pro ispassiu o in su tempus lìberu );

g) Ufìtzios abertos a su pùblicu, pùblicos e privados, istùdios professionales e servìtzios amministrativos;
h) Mantenidura de su Birde (giardinos, aiuolas, matas, …);

i) Atividade de abertura a su pùblicu de sos museos e de sos àteros istitutos e logos de sa cultura mentovados in s'artìculu 101 de su còdighe de sos benes culturales e de su paesàgiu rispetende sos printzìpios de sos inditos ghia natzionales;

j) Tirotzìnios extracurriculares a mercadu, in ue su sugetu promotore, cussu chi retzit e su tirotzinante cuncordent s'incumintzu torra de su tirotzìniu, firma abarrende sa possibilidade de incomintzare o sighire su percursu formativu cun modalidade a distàntzia; su tirotzìniu in presèntzia depet èssere fatu, in ogni modu, in su rispetu de sas indicatziones tècnicas e operativas indicadas in sos inditos ghia natzionales o in sos protocollos regionales prevididos pro su setore.

Art. 14) In su tempus chi s'acumprint sos Protocollos ispetzìficos cun sos entes locales e/o sas organizatziones de categoria e/o sindacales a livellu regionale, validados dae su Comitadu Tècnicu Iscientìficu istituidu pro fàghere fronte a sa difusione epidemiològica de su Covid19 in Sardigna cun deliberatzione de sa Giunta regionale n. 17/4 de su 01/04/2020, comente integradu cun deliberatzione n. 24/9 de s'08/05/2020, s'esertzìtziu de sas atividade mentovadas in antis in s'art. 13 est subordinada a s'osservàntzia de sos ''inditos ghia pro torrare a abèrrere sas atividades econòmicas e produtivas'' aprovadas dae sa Cunferèntzia de sas Regiones e de sas Provìntzias Autònomas in data 16 maju 2020 e allegadas a su DPCM 17 de maju 2020 (All. 17) in su rispetu de sos printzìpios cuntènnidos in sos protocollos o in sos inditos ghia natzionales, chi inoghe si allegant a custa ordinàntzia suta sa lìtera ''A'' pro nde fàghere parte integrante e sustantziale.

Torrant a abèrrere sas marinas:

Art. 15) Dae su 18 de maju est permìtidu andare in sas marinas lìberas.

S'ordinàntzia balet dae su 18 de maju a su 2 de làmpadas 2020:


Art. 16) Pro totu su chi non est a manera esplìtzita disciplinadu dae custa ordinàntzia, balet su DPCM 17 de maju 2020 e sos allegados suos.

Art. 17) Sos disponimentos de custa ordinàntzia, francu cantu prevididu in s'artìculu 10, produint sos efetos issoro de su 18 de maju 2020 e fintzas a su 2 de làmpadas 2020, francu pròroga esplìtzita e francu àteras prescritziones diferentes, fintzas de inditu contràriu, chi diant pòdere èssere netzessàrias a segunda de comente at andare sa difusione de su virus, chi at a èssere controllada a manera costante dae sos òrganos cumpetentes de s'amministratzione e de sas aziendas.

Documentos alleados in sa parte in limba italiana de su situ istitutzionale de su Comune de Bidoniu:

DPCM 17.05.2020, Allegados DPCM 17/05/2020

Ordinàntzia Presidente Regione Sardigna n. 23 de su17/05/2020

Diapositivas Inditos ghia Fase 2 Anci

Pro informatziones:

Ufìtziu/Òrganu: Sìndigu

Referente: Ilaria Sedda

Indiritzu: Carrera Taloro 3

Telèfono: 078369044

Fax: 078369407

Posta eletrònica: sindaco@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Emergèntzia COVID-19 D.L. n.33 de su 16/05/2020

EMERGÈNTZIA COVID19 - Decretu Lege Nou

Dae su 18 de maju a su 31 de trìulas 2020, ite mudat cun sa Lege cuadru noa chi istabilesset sas règulas pro torrare a incumentzare in sas Regiones.

ISPOSTAMENTOS

➡Dae su 18 de maju 2020, sos ispostamentos de sas persones a intro de su territòriu de sa matessi regione non ant ant a tènnere peruna limitatzione.

➡Fintzas a su 2 de làmpadas 2020 abarrant proibidos sos ispostamentos, cun mezos de trasportu pùblicos e privados, in un'àtera regione chi no est cussa in ue como unu est, gasi comente sos ispostamentos dae e pro s'èsteru, francu pro documentadas esigèntzias de traballu, de urgèntzia assoluta o pro motivos de salude; est permìtidu de torrare a su domitzìliu pròpiu, domo o residèntzia.

➡Dae su 3 de làmpadas 2020, sos ispostamentos dae una regione a s'àtera ant a èssere limitados ebbia cun provedimentos istatales.

➡Est cunfirmada sa proibitzione de mobilidade dae s'abitatzione o dimora pròpia pro sas persones chi depent fàghere sa barantena.

RISTORANTES E BAR

➡Sos locales ant a pòdere torrare a abèrrere rispetende sa distàntzia de 1 metru tra sos clientes.


➡Mascarredda obligatòria pro su personale e pro sos clientes, cando non sunt sètzidos in sa mesa pro consumare.

➡ Est mègius a si prenotare e fàghere servìtziu in foras de sos locales, favorèssere de mudare s'àera e de no impreare su retziclu de s'àera pro sos cundizionadores.

ISTABILIMENTOS E ISPIÀGIAS

➡Sa distàntzia mìnima chi sas persones depent respetare est semper de a su nessi unu metru, fintzas in s'ispiàgia.


➡Sos ombrellones in sos istabilimentos de mare ant a èssere postos a tres metros s'unu dae s'àteru, gasi, prus o mancu, a inghìriu bi sunt prus o mancu 10 metros cuadros de logu. Est in càrrigu de sos istabilimentos de mare disinfetare letinos e isdràias ogni borta chi càmbiant sas persones e cando si acabbat ogni die.

➡At a pòdere intrare a modde, nadare, fàghere surf e giogare cun sas rachetas. Prus difìtzile at a èssere giogare a beach volley.

➡In sas ISPIÀGIAS LÌBERAS, sa responsabilidade de s'osservàntzia de sas règulas at a èssere individuale fintzas si bi diat pòdere èssere personale pro controllare.

PARRUCHIERIS, BARBIERIS E ESTETISTAS

➡ Obligatòriu s'impreu de mascaredda sentza vàlvola e visieras de protetzione pro sos estetistas.


➡Proibidos sa sàuna, bagnu turcu e idromassàgiu.


➡Non si podet abarrare in sos locales in prus de su tempus chi est netzessàriu pro su servìtziu.

BUTEGAS DE BESTIMENTA

➡Fintzas in sas butegas de bestimenta balet sa règula de unu metru de distàntzia e s'òbligu de portare sa mascaredda.

➡Cando intrant, totus si depent pònnere sos guantes pro tocare sos bestires e ddos pòdere provare.

PALESTRAS

➡Creschet sa distàntzia interpersonale chi tocat a rispetare in sas palestras cando si faghet atividade fìsica: a su nessi 2 metros.

➡Su personale at a dèpere dare atentu a mantènnere sos ambientes pulidos e aerados bene.

PISCINAS

➡Pro sas piscinas est prevididu sa distàntzia de unu metru, cun atentzione manna pro sos ispogliatòios: indumentos e cosas personales depent abarrare a intro de bursas.

➡Letinos, isdràias, ombrellones disinfetados a manera regulare ogni borta chi càmbiat su turnu e cando si acabbat ogni die.

➡Pro sos giassos solarium e in s'abba est previdida un'àrea de 7 metros cuadros a persone.
➡Sas normas pertocant sas piscinas pùblicas, cussas abertas a su pùblicu, cussas chi sunt in agriturismos e campègios e sos parcos acuàticos.

ALBERGOS E AGRITURISMOS

➡Pro sos albergos e sos agriturismos sa cosa prus de importu at a èssere sa ventilatzione e s'aeratzione: duncas su personale at a dèpere assegurare a manera regulare de aerare a manera naturale, fàghere prus manutentzione e sostituire sos filtros, cambiare s'àera dae un'ora in antis a un'ora a pustis de s'intrada de su pùblicu.

➡In sas àreas in ue est previdida prus pagu ventilatzione, comente in sos passaditzos e ascensores, no est cussigiadu a si firmare. Abarrat s'òbligu de pònnere sa mascaredda fintzas in custos ambientes.

SANTZIONES
Sas santziones pro no àere rispetadu sos protocollos e sos inditos ghia sunt organizados gasi:

§ pro chie non rispetat sos protocollos / inditos ghia regionales o natzionales, e duncas no at a garantire sa protetzione adeguada, est previdida la suspensione de s'atividade econòmica o produtiva fintzas a chi no ant a tènnere torra sas cunditziones de seguresa;

§ chie non rispetat sos disponimentos de su decretu-lege, o de sos decretos e ordinàntzias atuativas, incurret in sa santzione amministrativa pecuniària dae 400 a 3.000 èuros, aumentada fintzas a unu tertzu si sa violatzione est fata cun s'impreu de unu veìculu;

§ si sa violatzione est cummìtida in s'esertzìtziu de un'atividade de impresa, est previdida fintzas sa santzione amministrativa atzessòria de sa serrada de s'esertzìtziu o de s'atividade dae 5 a 30 dies; si est netzessàriu pro impedire chi sigat o si repitat sa violatzione,

§ podet èssere ordinada sa serrada provisòria de s'atividade o de s'esertzìtziu fintzas a 5 dies, chi in casu si podent iscontare dae sa santzione;

§ in casu si torret a repìtere sa matessi violatzione sa santzione amministrativa est addopiada e cussa atzessòria est aplicada in sa mesura màssima.

N.B.
Sas atividades de ristoratzione e servìtzios a sa persone, e totu cussas prevididas dae sa normativa vigente, ant a dèpere sighire sos inditos ghia de s'INAIL pro garantire s'aplicatzione de sos protocollos de seguresa.

Si racumandat sa collaboratzione de totus in su rispetu de sas règulas, pro evitare torra in su benidore, un'àteru perìodu de restritziones.

http://www.governo.it/…/comunicato-stampa-del-consigl…/14610

Dae sa nova in limba italiana publicada in su situ istitutzionale de su Comune de Bidoniu si podet iscarrigare custu documentu: Decreto Legge n.33 del 16/05/2020

Pro informatziones:

Ufìtziu/Òrganu: Sìndigu

Referente: Ilaria Sedda

Indiritzu: Carrera Taloro 3

Telèfono: 078369044

Fax: 078369407

Posta eletrònica: sindaco@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Ordinàntzia Sindacale n. 2 de su 08/05/2020 'Pulitzia de sos giassos e de sos terrinos privados in zonas urbanas e periurbanas pro sa gherra a sos parassitas e preventzione fogos.'

Si racumandat a totu sos tzitadinos interessados de pulire sos giassos pròpios de cumpetèntzia a intro de s'iscadèntzia de su 1 de làmpadas 2020.

A intro de s'iscadèntzia:

- sos meres o chie tenet pro resones diferentes fràigos a intro de sa bidda ddos depet pulire e mantènnere cun decoru, de pretzisu depet segare e bogare s'erba mala chi creschet in sos muros de fora e cussa, paris cun sos cambos sicos e de ruu, chi creschent in sos ortos e giardinos;

- sos meres o chie tenet pro resones diferentes terrinos a intro o acanta de sa bidda e a sas istradas comunales (chi siant giardinos, ortos, buscos), sos responsàbiles de sos cantieris ediles e istradales, in custas àreas, depent segare s'erba mala, su fenu, sos cambos sicos messende o arende e depent fintzas bogare s'àliga de cada genia, materiales chi podent impudire, machinàrios firmos e àteru, materiales chi ddis podet pigare fogu o in ue podent bìvere o si podent cuare bobbois malos o animales noghiles;

- cando unu terrinu est a làcana cun un'istrada o unu fràigu si depent fàghere sas doas de a su nessi 3 metros;

- sos chi tenent, pro cale si siat resone de impreu, terrinos e fintzas sos chi tenent aziendas agrìculas depent pulire dae erba mala, fenu, ruu, cambos sicos e àliga sos tretos a làcana cun sas istradas pùblicas.

Totus sos disponimentos de s'ordinàntzia depent èssere osservados fintzas a su 31 de santugaine 2020 e, semper e cando, pro totu su perìodu cun s'arriscu artu de sos fogos comente indicadu in sos Inditos Regionales contra sos Fogos, in prus, pudare, messare, tirare s'erba depet èssere fatu torra ogni borta chi est netzessàriu.

In sa nova in limba italiana, publicada in su situ istitutzionale de su Comune de Bidoniu, ddue est allegada s'Ordinàntzia de su Sìndigu: Ordinàntzia pulitzia de sos giassos e de sos terrinos privados in zonas urbanas e periurbanas pro sa gherra a sos parassitas e preventzione fogos

Pro informatziones:

Ufìtziu/Òrganu: Sìndigu

Referente: Ilaria Sedda

Indiritzu: Carrera Taloro 3, Bidoniu (ARISTANIS)

Telèfono: 078369044

Fax: 078369407

Posta eletrònica: sindaco@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

BURSA DE ISTÙDIU NATZIONALE A FAVORE DE SOS ISTUDIANTES DE SAS ISCOLE SEGUNDÀRIAS DE SEGUNDU GRADU D. Lgs. 13/04/2017 n. 63

S'INFORMAT SA TZITADINÀNTZIA CA SI PODET PRESENTARE SA DOMANDA PRO SA BURSA DE ISTÙDIU NATZIONALE PRO SOS ISTUDIANTES DE SAS ISCOLAS SEGUNDÀRIAS DE SEGUNDU GRADU, ISTATALES E PARITÀRIAS, PRO S'ANNU ISCOLÀSTICU 2019/2020.

In sa nova publicada in limba italiana si podet iscarrigare su MÒDULU PRO SA DOMANDA

*****************************************


COMUNE DE BIDONIU

Provìntzia de Aristanis

BURSA DE ISTÙDIU NATZIONALE A FAVORE DE SOS ISTUDIANTES DE SAS ISCOLAS SEGUNDÀRIAS DE SEGUNDU GRADU D. LGS. 13/04/2017 N. 63

ANNU ISCOLÀSTICU. 2019/2020

A V I S U

S'INFORMAT SA TZITADINÀNTZIA CA SI PODET PRESENTARE SA DOMANDA PRO OTÈNNERE SA BURSA DE ISTÙDIU NATZIONALE PRO SOS ISTUDIANTES DE SAS ISCOLAS SEGUNDÀRIAS DE SEGUNDU GRADU, ISTATALES E PARITÀRIAS, PRO S'ANNU ISCOLÀSTICU 2019/2020.

PRO OTÈNNERE SA BURSA DE ISTÙDIU EST NETZESSÀRIU:

1. Èssere iscritos pro s'annu iscolàsticu 2019/2020 in un'iscola segundària de segundu gradu de su sistema natzionale de istrutzione (iscolas istatales e paritàrias).

2. S'Indicadore de sa Situatzione Econòmica Ecuivalente (I.S.E.E.) de sa famìllia de apartenèntzia depet èssere a intro de sos 14.650,00 èuros.

3. Compilare su mòdulu - domanda e allegare custa documentatzione:

 fotocòpia de s'atestatzione de s'ISEE in cursu de valididade emìtida cunforma a sa normativa previdida dae su DPCM n.159/2013;

 fotocòpia de su documentu de identidade, chi siat vàlidu, de su rechedente.

4. Presentare sa domanda a su Comune de residèntzia (Ufìtziu Servìtziu Sotziale), a intro de su 15 de LÀMPADAS 2020. Sa domanda dda podet presentare su genitore, su rapresentante legale de s'istudiante o su matessi istudiante si est magiorenne.

5. Sa domanda si podet presentare fintzas cun sa posta eletrònica tzertificada e/o ordinària (sèbera su Comune) a custu indiritzu: assistente.sociale@comune.bidoni.or.it.

Su Comune at a trasmìtere s'elencu de sos istudiantes chi si podent ammìtere a sa Regione Sardigna, chi at a aprontare una graduatòria ùnica regionale, aprontada in òrdine de ISEE dae su prus bassu a su prus artu, connoschende, in casu de paridade de ISEE, sa pretzedèntzia a s'istudiante prus giòvanu de edade. S'elencu de sos istudiantes postos a manera ùtile in sa graduatòria, sos benefitziàrios de sa bursa, at a èssere trasmìtidu a su Ministeru de s'Istrutzione. S'erogatzione de sas bursas in favore de sos istudiantes benefitziàrios s'at a fàghere cun bonìficu domitziliadu in sa manera chi at a èssere istabilida dae su Ministeru de s'Istrutzione. S'importo de ogni bursa de istùdiu est istabilidu in 200 èuros.

INFORMATIVA PRIVACY

S'informativa est aprontada dae su Ministeru de s'Istrutzione e est publicada in su situ de su Comune de Bidoniu e in su situ de su Ministeru: https://iostudio.pubblica.istruzione.it/web/guest/voucher

MODULÌSTICA E INFORMATZIONES

Sa modulìstica de impreare est a disponimentu in su situ de sa Regione Sardegna: www.regione.sardegna.it, in su situ de su Comune: www.comune.bidoni.or.it e in s'Ufìtziu de Servìtziu Sotziale.

Pro informatziones:

COMUNE

Ufìtziu Servìtziu Sotziale

Dies e oràriu de abertura lunis e chenàbura dae sas 9,00 a sas 13,00

Telèfono: 078369044

Posta eletrònica: assistente.sociale@comune.bidoni.or.it

PEC: protocollo@pec.comune.bidoni.or.it

MINISTERU DE S'ISTRUTZIONE situ web https://iostudio.pubblica.istruzione.it/web/guest/voucher

Posta eletrònica: iostudio@istruzione.it

Bidoniu, su 08/05/2020 SU SÌNDIGU

f.du d.ssa Ilaria Sedda

*****************

Pro informatziones:

Ufìtziu/Òrganu: Àrea Sòtziu Culturale

Referente: Maria Mascia

Indiritzu: Carrera Taloro 3, 09080 Bidoniu (ARISTANIS)

Telèfono: 078369044

Fax: 078369407

Posta eletrònica: assistente.sociale@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Programma regionale Rèdditu de inclusione sotziale - Fundu regionale pro su rèdditu de inclusione sotziale - ''Agiudu

torrau'' pro sos annos 2019-2020.

S'informant sos interessados ca s'iscadèntzia pro presentare sas domandas, chi pertocant su Programma regionale - Fundu regionale pro su rèdditu de inclusione sotziale - ''Agiudu torrau'' pro sos annos 2019-2020, iscadint su 15 de Maju 2020, comente in sa Determinatzione de su Responsàbile de su Servìtziu Sotziale Assotziadu de s'Unione de sos Comunes de su Barigadu n. 146 de su 24/04/2020.

Pro cale si siat informatzione si podet iscrìere a s'ufìtziu de servìtziu sotziale a custu indiritzu de posta eletrònica: assistente.sociale@comune.bidoni.or.it

In sa nova publicada in limba italiana si podet iscarrigare custu documentu istanza REIS 2019_2020

Pro informatziones:

Ufìtziu/Òrganu: Àrea Sòtziu Culturale

Referente: Maria Mascia

Indiritzu: Carrera Taloro 3, 09080 Bidoniu (ARISTANIS)

Telèfono: 078369044

Fax: 078369407

Posta eletrònica: assistente.sociale@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Emergèntzia COVID-19

DPCM 26/04/2020

In su situ istitutzionale de su Comune de Bidoniu b'est allegadu su DPCM 26.04.2020

COVID-19

DPCM 26 ABRILE 2020

FONTE: GOVERNO.IT

__________________________________________________________________________________________________________________________________________________________________________________________________________________________________________________________________________________________

Ufìtzios imprenta de sos Entes locales

e sovracomunales de sa Regione Làtziu

ISPOSTAMENTOS

EJA pro andare a visitare parentes

NO a fàghere riuniones de famìllia

EST PROIBIDU ESSIRE DAE SA REGIONE

francu pro resones provadas de esigèntzias de traballu, de urgèntzia assoluta o pro resones de salude.

EDILÌTZIA

Dae su 27 de abrile TORRANT A INCOMINTZARE atividades acapiadas a s'esportatzione, cantieris pro presones, iscolas, presìdios sanitàrios, domos populares e amparu dae s'iscunsertu idrogeològicu

ITE PAPARE DE LEARE A DOMO

Dae su 4 de maju S'AT A PÒDERE andare a comporare màndigos pro ddos papare in domo o in ufìtziu

CANTIERIS PRIVADOS

Dae su 4 de maju TORRANT A INCOMINTZARE atividades de manifatura, cummèrtziu a sa grussa e cantieris privados

MEZOS PÙBLICOS

Dae su 4 de maju ÒBLIGU de impreare sa mascheredda

ISPORT

Dae su 4 de maju EJA atividade motòria individuale a tesu dae domo

EJA allenamentos pro sos professionistas de disciplinas individuales

Isport de iscuadra dae su 18 de maju

RISTORANTES E MUSEOS

Dae su 18 de maju TORRANT A ABÈRRERE sos museos

Dae su 1 de làmpadas TORRANT A ABÈRRERE sos ristorantes rispetende totu sas mesuras de precautzione

INTERROS

Dae su 4 de maju bi podent partetzipare non prus de 15 persones

PARCOS E GIARDINOS

Dae su 4 de maju ABERTOS ma sa gente NON SI PODET ATROPARE e depet abarrare a DISTÀNTZIA

SERRADOS sos giassos cun sos giogos pro sos pipios

ISCOLA

At a torrare a incomintzare in seguresa

dae CABUDANNI

BUTEGAS E PARRUCHIERIS

Dae su 18 de maju ABERTOS ma NO oràrios de punta

Dae su 1 de làmpadas ABERTOS parruchieris e estetistas

MASCHEREDDAS

PRÈTZIU fissadu a 50 tzentèsimos

(MM)

Pro Informatziones:

Ufìtziu/Òrganu:Sìndigu

Referente: Ilaria Sedda

Indiritzu:carreraTaloro 3

Telèfono: 078369044

Fax: 078369407

Posta eletrònica: sindaco@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Emergèntzia COVID-19 -

Mòdulu Autotzertificatzione agiornadu a su 26/04/2020.

In su situ istitutzionale de su Comune de Bidoniu si podet iscarrigare su Modulu Autotzertificatzione in vigore dae su 04/05/2020.

Pro Informatziones:

Ufìtziu/Òrganu:Sìndigu

Referente: Ilaria Sedda

Indiritzu: carreraTaloro 3

Telèfono: 078369044

Fax: 078369407

Posta eletrònica: sindaco@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

#coronavirus

Nùmeros ùtiles

Sìntomos respiratòrios tenes o in cuntatu cun unu casu cunfirmadu de COVID-19 ses istadu?

No andes a s'ispidale, Prontu Sucursu o ambulatòrios ma tzèrria

Su dotore / pediatra tuo

In casu de emergèntzia ebbia → 118

Non tenes sìntomos respiratòrios, ma ses istadu in cuntatu cun unu casu cunfirmadu de COVID-19?

Ses torradu in Sardigna a pustis de su 23 de freàrgiu 2020?

Depes abarrare in domo e tzerriare

Su dotore/pediatra tuo

o su Servìtziu de Igiene Pùblica Assl cumpetente pro su territòriu

Pro informatziones podes cuntatare

su nùmeru birde regionale

800 31 13 77

(ogni die dae sas 08 a sas 20)



Pro una consulèntzia psicològica

podes cuntatare

0783 317018 / 317089

349 775 86 90

(dae su lunis a sa chenàbura, diesa 8 a sas 14;

Martis e giòbia, dae sas 14.30 a sas 18)

ATSSardigna

Azienda Tutela Salude

ASSL Aristanis

(MM)

'Mesuras istraordinàrias e urgentes pro su sustegnu de sas famìlias chi depent fàghere fronte a s'emergèntzia econòmicu - sotziale casada dae sa pandemia SARS-CO V2'

S'informat ca est istadu publicadu s'aviso pùblicu pro pòdere benefitziare de sos contributos de sa Lege Regionale n° 12 de s' 8 abrile 2020.

In sa home page de custu situ si agatat sa nova in limba italiana cun su mòdulu pro sa domanda.

Sos tzitadinos interessados podent presentare sa domanda impreende su modellu de autotzertificatzione apòsitu, a disponimentu in su situ istitutzionale de s'ente o postu in su cuntenidore a costàgiu de su portone de intrada a su palatzu comunale.

Sas domandas si depent mandare cun sa posta eletrònica a s'indiritzu assistente.sociale@comune.bidoni.or.it o si podent pònnere a intro de sa cassita, in busta sigillada, a costàgiu de su portone de intrada a su palatzu comunale, ebbia dae sas 08,00 a sas 13,30.

************************************

UNIONE DE SOS COMUNES DE SU BARIGADU

Ardaule - Bidoniu - Busache - Fordongianus - Neoneli - Nughedu Santa Itòria - Samugheo - Sorradile - Ula

Localidade Giolantine - (09082) Busache (Aristanis) - Tel. 0783.60123 - Fax 0783.60323

Còditze Fiscale e Partida I.V.A. 01116420959

situ web: www.unionecomunibarigadu.it - posta eletrònica: info@unionecomunibarigadu

AVISU PÙBLICU

'Mesuras istraordinàrias e urgentes de agiudu a sas famìlias pro fàghere fronte a s'emergèntzia econòmicu - sotziale causada dae sa pandemia SARS-CO V2'

1. Rechisidos de ammissione

Podent fàghere domanda sas famìlias residentes e domitziliadas in su Comune a sa data de su 23.02.2020:

a) chi sos chi nde faghent parte siant (a su nessi una cunditzione):

- traballadores dipendentes o autònomos chi apant tentu s'atividade de traballu firmada, suspèndida, o reduida pro more de s'emergèntzia epidemiològica de Covid-19 e chi sos meres de su traballu no apant usufruidu de sas formas de integratzione salariale o bi siant passados pro more de su decretu lege 17 de martzu 2020, n. 18;

- traballadores titulares de raportos de collaboratzione coordinada e continuativa iscritos a sa gestione separada de categorias econòmicas chi ant tentu s'atividade firmada, suspèndida, o reduida pro more de s'emergèntzia epidemiològica de Covid-19;

- titulares de partidas IVA, o sòtzios de sotziedades iscritos a sa gestione de s'asseguratzione generale obligatòria (AGO) de categorias econòmicas chi ant tentu s'atividade firmada, suspèndida, o reduida pro more s'emergèntzia epidemiològica de Covid-19;

- collaboradores de impresas familiares de categorias econòmicas chi ant tentu s'atividade firmada, suspèndida, o reduida pro more de s'emergèntzia epidemiològica de Covid-19;

- chie non teniat rèdditu de traballu o de impresa a sa data de su 23 de freàrgiu 2020.

b) cun rèdditu inferiore a € 800,00 a su mese pulidos in su perìodu 23.2.2020/23.4.2020.

2. Càusas de esclusione

Non benefìtziant de s'indennidade sas famìlias fintzas a tres persones e chi a su nessi unu de sos chi nde faghet parte tiret una pensione o unu rèdditu de traballu dipendente o de atividade de traballu chi no est istada suspèndida o no est istada riduida pro càusa acapiadas a s'emergèntzia epidemiològica de Covid-19, chi s'importu siat uguale o superiore a èuros 800,00, a sa data de sa presentatzione de sa domanda.

3. Critèrios de cuntzessione de sas indennidades

Sas indennidades ant a èssere erogadas in s'òrdine cronològicu de sa presentatzione de sas domandas.

S'anàlisi at a èssere fata pro sos nùcleos familiares e non pro sos indivìduos, leende in cunsideru sas informatziones giai connotas dae sos ufìtzios comunales e de s'autotzertificatzione indicada in s'artìculu 6 de custu avisu.

Su Comune protzedit a manera cuntestuale a s'anàlisi de s'abbisòngiu chi at a èssere fata dae sos ufìtzios comunales, fintzas in acordu e collaboratzione cun s'ente gestore de sos servìtzios sòtziu-assistentziales (PLUS) o àteros entes.

4. Indennidades chi ispetant

S'indennidade si podet acumulare cun àteras formas de sustegnu a su rèdditu, fintzas collegadu a s'emergèntzia epidemiològica de Covid-19, fintzas a 800 èuros a su mese pro sas famìlias fintzas a tres persones. Pro ogni àtera persone in prus sunt cuntzèdidos 100 èuros.

5. Modalidades de erogatzione e fruitzione de sas providèntzias

Sas providèntzias ant a èssere erogadas:

˗ tèssera CNS;

˗ cartas prepagadas;

˗ bonìficu bancàriu;

˗ àteras formas permìtidas dae sa lege.

6. Comente presentare sa domanda pro tènnere sas providèntzias

Sa domanda pro otènnere sas indennidades est in forma de AUTOTZERTIFICATZIONE, chi est fintzas s'atestatzione de sa beridade de sas decraratziones fatas.

S'autotzertificatzione si depet presentare impreende su modellu apòsitu allegadu, paris a s'iscansione de su documentu de identidade de su chi faghet sa rechesta, e si podet trasmìtere cun sa posta eletrònica a s'indiritzu assistente.sociale@comune.bidoni.or.it, o cunsignada a su Comune de Bidoniu - Ufìtziu Servìtziu Sotziale.

7. Controllos

Su Comune at a fàghere sos controllos dèpidos, fintzas a campione, pro controllare sa beridade de sas decraratziones sostitutivas fatas pro otènnere sas providèntzias, fintzas pedende de produire atestatziones pretzisas, agigu chi sas diretivas natzionales ant a permìtere de torrare a sas atividades normales.

S'ammentat ca, a norma de sos artt. 75 e 76 de su D.P.R. 28/12/2000, n. 445 e sas modificatziones e integratziones fatas a pustis, chie faghet decraratziones farsas est punidu cunforme a su còditze penale e de sas leges ispetziales in matèria e, pro sa decraratzione non bera, perdet sos benefìtzios chi, in casu, podiat otènnere dae su provedimentu emìtidu aende presentadu una decraratzione non bera.

8. Responsàbile de su Protzedimentu

Su Responsàbile de su Protzedimentu est s'Assistente Sotziale Maria Mascia.

9. Publitzidade

Custu avisu at a èssere publicadu paris a su modellu de domanda, in sa home page de su situ istitutzionale de su Comune de Bidoniu e in cussa de su situ istitutzionale de s'Unione de sos Comunes de su Barigadu.

10. Informativa pro su tratamentu de sos datos personales REG. UE N. 679/2016

S'Unione de sos Comunes de su Barigadu, comente titulare de su tratamentu, at a impreare sos datos personales cunferidos cun modalidade prus che totu informàticas e telemàticas, pro s'esecutzione de sos còmpitos pròpios de interesse pùblicu o semper e cando collegados a s'esertzìtziu de sos poteres pùblicos pròpios; sunt inclùdidas sas finalidades de archiviatzione, de chirca istòrica e de anàlisi pro iscopos istatìsticos. Sos datos ant a èssere tratados pro totu su tempus chi at a serbire pro sa congruida de su protzedimentu-protzessu o pro s'esecutzione de su servìtziu-atividade pedida e, a pustis pro sa congruida de su protzedimentu-protzessu o sessamentu de su servìtziu-atividade. Sos datos ant a èssere costoidos a manera cunforme a sas normas in contu de sa remunidura de sa documentatzione amministrativa.

Sos datos ant a èssere tratados a manera esclusiva dae su personale e dae sos collaboradores de su titulare e s'ant a pòdere comunicare a sugetos designados a manera apòsita comente responsàbiles de su tratamentu.

Foras de custas ipòtesis sos datos no ant a èssere comunicados a àtere o difùndidos, si no cando est prevididu a manera ispetzìfica dae su diritu natzionale o dae s'Unione europea.

Sos interessados tenent su diritu de pedire a su titulare de su tratamentu de pòdere atzèdere a sos datos personales e a sa retìfica o a cantzellare sos datos o a sa limitatzione de sos tratamentos chi ddis pertocat o de si opònnere pro su tratamentu (artt. 15 e sos chi sighint de su RGPD).

Sos interessados, si bi sunt sas cunditziones, tenent, fintzas, su diritu de propònnere reclamu a s'Autoridade de controllu (Garante Privacy) sighende sas protzeduras prevididas.

Su Responsàbile de su Servìtziu sotziale Assotziadu

f.du Ass. Sotziale Maria Mascia

Pro Informatziones:

Ufìtziu/Òrgano: Àrea Sòtziu Culturale

Referente: Maria Mascia

Indiritzu: Carrera Taloro 3, 09080 Bidoniu (ARISTANIS)

Telèfono: 078369044

Fax: 078369407

Posta eletrònica: assistente.sociale@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Elencu de sos esertzìtzios cummertziales chi ant aderidu a s'initziativa: Mesuras urgentes de solidariedade alimentare.

Elencu de sos esertzìtzios cummertziales in ue si podet fàghere s'ispesa de gèneres de prima netzessidade e de sa bòmbola de su gas, usende sos 'bonos ispesa'.

UNIONE DE SOS COMUNES DE SU BARIGADU

Ardaule - Bidoniu - Busache - Fordongianus - Neoneli - Nughedu Santa Itòria - Samugheo - Sorradile - Ula

Localidade Giolantine - (09082) Busache (Aristanis) - Tel. 0783.60123 - Fax 0783.60323

Còditze Fiscale e Partida I.V.A. 01116420959

situ web: www.unionecomunibarigadu.it - posta eletrònica: info@unionecomunibarigadu.it

COMUNE DE BIDONIU

Esertzìtzios cummertziales chi ant aderidu a s'initziativa:

''Mesuras urgentes de solidariedade alimentare'':

- Dita Tatti Assunta Maria Rita, Carrera Tirso n. 11, Sorradile (Aristanis) - P.IVA 00709040950;

- Daddario linna pro su fogu e pellet, Istradone (Cursu Umberto I n.5), Sorradile (Aristanis) - P.IVA 01134250958

- Frutta e Verdura da Angelo, Istradone (Cursu Umberto I n. 26), Sorradile (Aristanis) - P.IVA 01118100955

S'ammentat ca sos bonos ispesa si podent ispèndere pro comporare gèneres de prima netzessidade comente:

❖ pane ❖ abba ❖ pasta ❖ arrosu ❖ late ❖ cafè/the/camomilla ❖ farina ❖ ògiu ❖ fruta e berdura (francu mèndula, nughe, nutzola americana e sìmiles) ❖ produtos in botos (comente legùmenes, pische,petza, trigu moriscu, àteru.) ❖ cunserva e purpa de tomata ❖ tzùcaru ❖ sale ❖ petza e pische (francu alimentos de gastronomia de lussu fintzas cussos surgelados - ebbia surgelados sèmplitzes) ❖ oos ❖ casu ❖ produtos alimentares pro sos pipios piticos (omogeneizados, biscotos, late, bragallitos, àteru.) e produtos alimentares pro tzelìacos ❖ produtos pro s'igiene personale e pro illitzire de sa domo ❖ bòmbola de su gas.

PRO INFORMATZIONES

Ufìtziu/Òrganu: Àrea Sòtziu Culturale

Referente: Maria Mascia

Indiritzu: Carrera Taloro 3, 09080 Bidoniu (ARISTANIS)

Telèfono: 078369044

Fax: 078369407

Posta eletrònica: assistente.sociale@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Emergèntzia COVID-19 Ordinàntzia Presidente de sa Regione Sardigna n. 18 de su 07/04/2020

Ordinàntzia noa de su Presidente de sa Regione Sardigna chi istabilit àteras mesuras in prus pro cumbàtere su Covid19:

§ esertzìtzios cummertziales serrados fintzas a su 13 de abrile, die in fatu de Pasca

§ òbligu de abarrare in isulamentu domitziliare pro sos chi arribant in Sardigna dae su 4 de abrile e de compilare su mòdulu on line: https://bit.ly/2RiS0M8

§ òbligu de mesuras precautzionales pro su personale de sas naves e de sos aeromòbiles

In sa nova publicada in su situ istitutzionale de su Comune de Bidoniu si podet iscarrigare s'Ordinàntzia de su Presidente de sa Regione Sardigna, sa n. 18 de su 08/04/2020

Pro informatziones:

Ufìtziu/Òrganu: Sìndigu

Referente: Ilaria Sedda

Indiritzu: Carrera Taloro 3

Telèfono: 078369044

Fax: 078369407

Posta eletrònica: sindaco@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

Emergèntzia COVIS-19: s'isportellu de sa limba sarda sighit a traballare

Sotziedade Cooperativa L'altra cultura

Si avisat chi, pro more de s'emergèntzia pro sa Covid-19, sas fainas de s'isportellu linguìsticu, fintzas a su 3 de su mese de maju e francu perlongamentos chi ant a istabilèssere sas autoridades, ant a sighire cun su teletraballu.

Sos operadores de isportellu sunt comente si siat a disponimentu pro cale si siat bisòngiu de tradutziones, fainas de interpretariadu, consulèntzias grammaticales e ortogràficas, consulèntzias didàticas, inditos bibliogràficos, sitogràficos, etc.

Sos operadores si podent chircare telefonende ònnia die, intra de sas 8 de mangianu e sas 8 de merie, a su nùmeru 349.6025986 o mandende unu messàgiu a s'indiritzu de posta eletrònica isportellu.limba.barigadu@gmail.com

Documenti allegati

Documenti allegati
Titolo  Formato Peso
Avisu_antintzèndiu Formato pdf 194 kb
Avisu_contributos_cànone de locatzione Formato pdf 316 kb
Avisu Formato pdf 296 kb
Avisu Formato pdf 165 kb
Avisu Formato pdf 305 kb
Deliberatzione Formato pdf 306 kb
Detèrmina Formato pdf 205 kb
Detèrmina Formato pdf 208 kb
Avisu_oràrios biblioteca Formato pdf 305 kb
Avisu_oràrios_abertura pro su pùblicu _ufìtzios Formato pdf 291 kb
Poesias Formato pdf 290 kb
Poesia_sa limba sarda_Pascale Iscanu Formato pdf 83 kb
Avisu_Tasi Formato pdf 318 kb
Deliberatzione Formato pdf 197 kb
Deliberatzione Formato pdf 141 kb
Avisu Formato pdf 189 kb
Deliberatzione Formato pdf 156 kb
Assemblea Formato pdf 195 kb
Agiornamentu_albu_iscrutadores Formato pdf 266 kb
Avisu Formato pdf 202 kb
Avisu Formato pdf 182 kb
torna all'inizio del contenuto
torna all'inizio del contenuto