Vai a sottomenu e altri contenuti

Sagra de s'anzone 2020

Avisu pro sos chi sunt interessados a espònnere in sa de XXII Sagras de S'anzone 2020

Si comùnicat ca in data de oe est istadu aprovadu cun DG n. 2, su Disciplinare de sa de XXII Sagras de S'anzone 2020.

Sas domandas de partetzipatzione si podent presentare dae s'08 de ghennàrgiu fintzas a su 07 de abrile 2020.

Totus sas domandas chi ant a arribare prima o a pustis de custas datas o chi non sunt in règula cun su chi est iscritu in su Disciplinare, ant a èssere esclùdidas.

S'Ufìtziu de Politzia Locale est a disponimentu pro ogni crarimentu a sos recàpitos suos.

Totus sos chi sunt interessados a espònnere sunt invitados a respetare su Disciplinare e a mandare s'atzetatzione de su matessi Disciplinare firmada.

Sos agiornamentos e sas informatziones in contu de sa Sagra 2020 ant a èssere publicados in su situ web e in sa pàgina Facebook de su Comune.

Pro informatziones - Referente

Ufìtziu/Òrganu: Servìtziu Vigilàntzia

Referente: Rosa Puligheddu

Indiritzu: Carrera Taloro 3

Telèfono: 078369044

Fax: 078369407

Posta eletrònica: ufficio.protocollo@comune.bidoni.or.it - polizialocale.bidoni@gmail.com

Posta eletrònica tzertificada: protocollo@pec.comune.bidoni.or.it

*************************


COMUNE de BIDONIU

Provìntzia de Aristanis

DISCIPLINARE

SA de XXII^ EDITZIONES DE SA SAGRA DE S'ANZONE

Bidoniu - 13 de abrile 2020

Allegadu a sa Deliberatzione de sa Giunta Comunale n. 02 de su 03/01/2020

Art. 1

S'Amministratzione comunale de Bidoniu, cun sa collaboratzione de sa Pro Loco de Bidoniu, organizat sa de XXII editziones de sa Sagra de s'anzone (2020).

Art. 2

Sa manifestatzione in programma tenet sa punna de promòvere s'angione IGP e sos benes culturales e de s'ambiente de su territòriu comunale.

Art. 3

Sa data de sa manifestatzione est fissada pro su 13 de abrile 2020, sa die in fatu de Pasca Manna.

Art. 4

Sa manifestatzione si faghet in sa pineta de ''Istei''.

Art. 5

Su Comune dèlegat sa Pro Loco de Bidoniu pro s'organizatzione de sa manifestatzione, chi pro custu at a retzire unu contributu econòmicu.

Art. 6

Su contributu comunale, istabilidu cun apòsita Deliberatzione de sa Giunta Comunale, at a dèpere èssere impreadu pro:

- publitzidade de sa manifestatzione;

- promotzione de sos produtos agroalimentares e artigianales locales;

- organizatzione e logìstica;

- ispesas pro sa festa e pràngiu organizadu;

- servìtzios pro retzire sos turistas.

Art. 7

Est proibida sa presèntzia de ambulantes in sas carreras de sa bidda e s'impreu de istrumentos de publitzidade chi non torrant paris cun sas caraterìsticas de sa manifestatzione (cartellonìstica, manifestos, tendàgios e àteru) apicados a foras de su giassu destinadu a sa manifestatzione.

Su tràficu de sos mezos e e sos giassos de parchègiu prevididos pro sa manifestatzione ant a èssere regulados cun ordinàntzia apòsita.

Art. 8

Sa manifestatzione est aberta a operadores de su cummèrtziu, de s'artigianadu e a sos chi produint cosas pro passione e non pro traballu, de sa bidda e istràngios, chi tèngiant tìtulos chi ddos abìlitant a manera regulare e chi siant in règula cun su pagamentu de sas tassas de ocupatzione de su terrinu pùblicu.

Art. 9

Est proibidu a sos operadores autorizados, de lassare pònnere in su giassu issoro, àteros operadores chi no apant presentadu domanda regulare e no apant pagadu sa tassa indicada in s'artìculu 8.

Art. 10

Sa tarifa pro s'ocupatzione de su terrinu pùblicu est € 12,00 (dòighi/00 èuros), a sa die fintzas a 4 metros cuadros de logu ocupadu e € 20 (binti/00 èuros) si su giassu ocupadu est prus mannu e si depet versare in su c.c.p. 16492092, intestadu a: Servìtziu de Tesoreria - Comune de Bidoniu cun custa causale: ''Ocupatzione terrinu pùblicu Sagra de s'anzone 2020''.

Art. 11

Totus sos operadores chi partètzipant tenent s'òbligu de fàghere sa regorta seberada de s'àliga e acabbada s'espositzione depent lassare pulidu e in òrdine su logu ocupadu.

Art. 12

Est proibidu dare ite bufare in cuntenidores de bidru o allumìniu, si depent impreare ebbia tassas de plàstica.

Art. 13

Sos interessados a sa manifestatzione podent fàghere sa domanda de partetzipatzione, dae s'08 de ghennàrgiu 2020, in paperi simple; est de òbligu mandare paris a sa domanda custos documentos:

- Tìtulu abilitativu in vigore,

- Documentu de identidade in vigore,

- Retzida de atzetatzione de custu Disciplinare cumpilada a manera giusta e cumpleta,

- Retzida de su pagamentu TOSAP.

Art. 14

Sas domandas de partetzipatzione depent èssere presentadas, non b'at pròroga, a intro de su 07 de abrile 2020 a s'Ufìtziu Politzia Locale e a s'Ufìtziu Protocollu, a manos o cun sa posta eletrònica tzertificada (protocollo@pec.comune.bidoni.or.it) o cun sa posta eletrònica (ufficio.protocollo@comune.bidoni.or.it).

Sas domandas chi ant a arribare a su protocollu de su Comune a pustis de sa data fissada, o sentza sa documentatzione pedida, ant a èssere esclùdidas.

Ant a èssere tzerriados ebbia sos chi sunt autorizados a partetzipare a sa manifestatzione.

Sos chi no ant a èssere tzerriados, a manera automàtica, ant a èssere esclùdidos e no ant a pòdere fàghere nudda in sos cunfrontos de s'organizatzione.

Art. 15

S'ufìtziu de Politzia Locale at a assignare sos giassos cun custas prioridades:

- òrdine de arribu a su protocollu, a pustis de sa publicatzione de su Disciplinare, de sas domandas in règula pro pòdere partetzipare in su rispetu de sas clàusolas indicadas in sos artìculos 13 e 14 de custu regulamentu. Sas domandas arribadas prima de s'aprovatzione de su Disciplinare no ant a intrare in graduatòria e depent èssere torradas a presentare a intro de s'iscadèntzia e rispetende sos inditos de custu allegadu.

Art. 16

Custu disciplinare intrat in vigore a sa data d'esecutividade de sa deliberatzione de aprovatzione dae parte de sa Giunta Comunale.

Su sutascritu ________________________________Còdighe Fiscale _______________________________

essende titulare de sa dita _________________________________________________________________

dichiarat de àere lèghidu e aprovadu su disciplinare de sa de XXII Sagras de S'Anzone 2020.

Firma e timbru pro atzetatzione

torna all'inizio del contenuto
torna all'inizio del contenuto