Vai a sottomenu e altri contenuti

Iscadèntzia Reis 2019 - 2020

AVISU REIS 2019/2020

Data publicatzione on line: 19/12/2019 Data iscadèntzia: 28/02/2020

Si faghet ischire ca, in esecutzione de sa Lege Regionale n.18 de su 2 de austu 2016, e de sa Deliberatzione de sa Giunta Regionale N. 48/22 de su 29.11.2019, cun determinatzione pròpia de su Responsàbile de su Servìtziu Sotziale assotziadu de s'Unione de sos Comunes de su Barigadu, n. 402 de su 17/12/2019, est istadu aprovadu s'Avisu Pùblicu pro s'achisitzione de sas domandas pro ammaniare sa graduatòria de sos benefitziàrios de su Programma regionale Rèdditu de inclusione sotziale - Fundu regionale pro su rèdditu de inclusione sotziale - ''Agiudu torradu'' pro sos annos 2019-2020.

In sa comunicatzione publicada in italianu bi sunt custos documentos allegados:

AVISU REIS 2019/2020

MANIFESTU REIS 2019/2020

MÒDULU DE DOMANDA

Pro informatziones - Referente

Ufìtziu/Òrgano: Àrea Sòtziu Culturale

Referente: Maria Mascia

Indiritzu: Carrera Taloro 3, 09080 Bidoniu (Aristanis)

Telèfono: 078369044

Fax: 078369407

Posta eletrònica: assistente.sociale@comune.bidoni.or.it

Posta eletrònica tzertificada:protocollo@pec.comune.bidoni.or.it

(MM)

******************************

UNIONE DE SOS COMUNES DE SU BARIGADU

Ardaule - Bidoniu - Busache - Fordongianus - Neoneli - Nughedu Santa Itòria - Samugheo - Sorradile - Ula

Localidade Giolantine - (09082) Busache (Aristanis) -

Còditze Fiscale e Partida I.V.A. 01116420959 situ web: www.unionecomunibarigadu.it

posta eletrònica: sociale@unionecomunibarigadu.it

Avisu Pùblicu

Achisitzione de sas domandas pro su R.E.I.S. 2019

Rèdditu de Inclusione Sotziale

ISCADÈNTZIA PRO PRESENTARE SAS DOMANDAS

A INTRO DE SA 01.00 (H. 13.00) DE SU 28 DE FREÀRGIU 2020

Su Responsàbile de su Servìtziu Sotziale Assotziadu de s'Unione de sos Comunes de su Barigadu

FAGHET PÙBLICU CA

In esecutzione de sa Lege Regionale n° 18 de su 2 de austu 2016 e Deliberatzione de sa Giunta Regionale n° 48/22 de su 29.11.2019, cun determinatzione pròpia n. 402 de su 17/12/2019 est istadu aprovadu custu Avisu Pùblicu pro s'achisitzione de sas domandas pro s'ammàniu de sa graduatòria de sos benefitziàrios de su Programma REIS 2019 (Rèdditu de inclusione sotziale), denumenadu ''Agiudu Torradu''.

Cando e comente presentare sas domandas

Sos tzitadinos chi tenent sos rechisidos prevididos in custu Avisu Pùblicu podent presentare sa domanda de partetzipatzione a su REIS 2019, a manera esclusiva cun su mòdulu ammaniadu dae s'Ente, a s'Ufìtziu Protocollu de su Comune pròpiu de residèntzia dae su 15/01/2020 a su 20/02/2020, h. 13.00, a pustis chi sa domanda siat istada controllada dae su Servìtziu Sotziale Comunale.

Sa domanda, sutascrita a manera giusta, depet èssere presentada paris cun custos documentos:

· domanda de sa partetzipatzione in su fc-simile aprovadu dae su Comune;

· còpia de su documentu de identidade in vigore e de su còditze fiscale de su chi faghet sa domanda;

· còpia de s'atestatzione ISEE in vigore cumpleta de sa decraratzione sostitutiva ùnica (DSU) in vigore. Su nùcleu de sa famìlia decraradu in s'atestatzione ISEE depet èssere de pretzisu su matessi chi est registradu a manera regulare in s'Anàgrafe de su Comune de residèntzia. Ant a èssere esclùdidas sas domandas chi non torrant paris in custu;

· eventuales tzertificatziones sanitàrias chi atestent un'invalididade grave de prus de su 90% de su chi presentat sa domanda e/o de unu o prus de sos chi faghent parte de su nùcleu familiare.

Totu sos rechisidos si depent tènnere e depent èssere decrarados a sa data de s'iscadèntzia de s'Avisu Pùblicu e ant a èssere leados pro s'ammissione e s'ammàniu de sa graduatòria, ebbia dae sas decraratziones sostitutivas presentadas e sutascritas dae sos candidados.

Verificare chi sos documentos presentados siant giustos (domanda, firma, allegados) est ebbia responsabilidade de su tzitadinu interessadu.

S'Avisu pùblicu e su mòdulu pro sa domanda de s'ammissione a su REIS 2019 si podent iscarrigare dae su situ de su Comune de residèntzia pròpiu e in paperi si podet leare in s'ufìtziu de sos Servìtzios sotziales. In unu nùcleu familiare depet presentare sa domanda una persone ebbia.

Si pretzisat ca sos candidados chi tenent sos rechisidos pro presentare sa domanda de su Rèdditu de Tzitàdinantzia sunt obligados a presentare sa domanda pro tènnere sa mesura natzionale.

Informatziones chi pertocant s'Avisu Pùblicu si podent pedire a s'Ufìtziu Servìtzios Sotziales in sos oràrios chi est abertu pro su pùblicu.

Busache, 17/12/2019

Su Responsàbile de su Servìtziu

f.du Rag. Angelo Mura

(MM)

torna all'inizio del contenuto
torna all'inizio del contenuto