Vai a sottomenu e altri contenuti

Publicadu Prèmiu de poesia sarda Barigadu 2019

Pro sas Edizioni Comune Neoneli, in PRÈMIU DE POESIA SARDA BARIGADU, sunt istadas publicadas sas poesias premiadas e mentzionadas de sa prima editzione Neoneli 2019.

In su saludu suo, su sìndigu Salvatore Cau, manifestat su pistighìngiu pro sa limba sarda semper prus pagu faeddada e iscriet ca s'Amministratzione Comunale est impignada a giàere s'agiudu po mantènnere bios sos benes immateriales e ddos amparare cun cale si siat mèdiu.

Su ''Prèmiu de poèsia sarda Barigadu'' de Neuneli, iscriet in sa presentada su presidente de sa giuria Eliano Cau, est naschiu cun s'idea de aciùnghere valore a su chi in custos annos est faendo sa bidda nostra in sa cultura.

Sa punna est chi su prèmiu, chi est istadu un'atòbiu de su programma de Licanias e Lichitos 2019, potzat sighire in sos annos e paris a sa matessi manifestatzione chi torrat puntuale in custa bidda de su Barigadu.

In sa publicatzione si agatant sas poesias premiadas e mentzionadas in rima e sas poesias premiadas e mentzionadas a versos iscapos. De ogni poesia est istada publicada fintzas sa tradutzione in limba italiana.

(MM)

torna all'inizio del contenuto
torna all'inizio del contenuto