Vai a sottomenu e altri contenuti

CoronaVirus: ite fàghere fintzas a su 3 deabrile

CORONAVIRUS:

ITE FÀGHERE FINTZAS A SU 3 DE ABRILE

Cantu est sa distàntzia chi depo mantènnere dae sas àteras persones? A su nessi unu metru.

Si tèngio callentura? Si est prus arta de 37,5°C tzèrria a su dotore tuo, abarrende in domo e NO andes a su prontu sucursu.

In àteros comunes potzo andare? A manera assoluta NO, francu situatziones de netzessidade.

Pro resones de salude mi potzo mòvere? Emmo, semper

Pro traballare mi potzo mòvere? Fintzas in un'àteru comune? Emmo, pro su traballu est permìtidu de si mòvere. Cando si andat pro traballu in un'àteru comune de sa zona provintziale Ruja, est bene de tènnere in fatu s'autotzertificatzione.

So foras dae sas zonas rujas/colore de arantzu, potzo torrare a intrare? Emmo, est cunsentidu de torrare a su domitzìliu pròpiu.

Chie depet abarrare a manera assoluta in domo? Antzianos e persones immumodepressas o cun patologias.

Ddu ant a èssere sa Missa e àteras funtziones religiosas? No

Tzilleris/bar, gelaterias, ristorantes podent abarrare abertos? Emmo, dae sas 06,00 de mangianu a sas 06,00 de sero faghende osservare a sos clientes sa distàntzia de unu metru s'unu dae s'àteru.

Sas butegas mèdias e cussas mannas? Abarrant serradas sas dies de festa e sas dies prima de una festa, francu sos alimentares.

Potecarias e parapotecarias? Abertas cun oràriu normale.

Asilos, iscolas, Universidades? Serrados fintzas a su 3 de abrile

Riuniones, cunvegnos, eventos, manifestatziones? Proibidos

Pub, tzìnemas, palestras, piscinas, discotecas, museos, bibliotecas? Serrados

Ufìtzios comunales? Belle totu sos servìtzios si podent impreare online. Sunt garantidos sos servìtzios essentziales e urgentes.

Potzo fàghere s'ispesa? Emmo, un'ebbia pro ogni famìlia.

Potzo andare a papare dae parentes? No est netzessàriu. Sa lògica de su decretu est cussa de abarrare su prus chi faghet ognunu in domo sua pro evitare chi su cuntàgiu crescat.

Potzo andare a fàghere una passigiada cun sos pipios? Emmo, in logu in ue non b'at gente meda e respetende semper sa distàntzia. No est proibidu essire ma tocat semper de evitare de abarrare in mesu de gente meda (non familiares, est a nàrrere de persones chi non bivent giai in sa matessi domo).

Potzo andare a assìstere a parentes antzianos non bastante a se? Custa est una netzessidade. Ammentade però ca sos antzianos sunt sos chi current prus s'arriscu de èssere contagiados, duncas, chircade de ddos amparare su prus chi podide dae s'impestu.

Potzo essire a fàghere s'ispesa in bidda? Emmo, si podet ma sos butegheris depent detzìdere canta gente podet abarrare paris a intro a manera chi siat assegurada sa distàntzia de unu metru s'unu dae s'àteru. Semper e cando sos supermercados e sos tzentros cummertziales abarrant serrados su sàbadu e sa domìniga.

Sos curreres podent biagiare? Emmo, podent biagiare.

#IORESTOACASA

(MM)

torna all'inizio del contenuto
torna all'inizio del contenuto