Vai a sottomenu e altri contenuti

Avisu ufìtzios serrados

COMUNE DE NEONELI

Provìntzia de Aristanis

C.A.P. 09080 Carrera Roma, 83-Tel. 0783/67747-Fax 0783/67764

www.comune.neoneli.or.it - info@comune.neoneli.or.it - protocollo@pec.comune.neoneli.or.it

AVISU PÙBLICU

UFÌTZIOS COMUNALES SERRADOS A SU PÙBLICU

Si informat sa tzitadinàntzia ca, cun sa punna de leare ogni mesura utilosa pro firmare sa difusione de su Covid-19, a incomintzare dae oe, 10 de martzu e fintzas a disponimentos noos, sos ufìtzios comunales ANT A ÈSSERE SERRADOS A SU PÙBLICU.

Sos ufìtzios ant a traballare a manera regulare e si podet comente semper telefonare a su nùmeru 0783/67747 o cun sa posta eletrònica info@comune.neoneli.or.it o protocollo@pec.comune.neoneli.or.it.

S'intrada a sos locales comunales at a èssere cunsentida solu A PUSTIS DE ÀERE TELEFONADU PRO TÈNNERE UN'APUNTAMENTU e a manera esclusiva pro chistiones urgentes e pro pràticas chi est indispensàbile sa presèntzia fìsica de s'utente.

Pro emergèntzias foras de s'oràriu de sos ufìtzios si podet telefonare in deretura a su sutascritu a su nùmeru 3335765304.

Cun s'isperu de tènnere sa collaboratzione màssima de totu sos tzitadinos.

SU SÌNDIGU

F.du Salvatore Cau

torna all'inizio del contenuto
torna all'inizio del contenuto