Vai a sottomenu e altri contenuti

Carta de Identidade Eletrònica

COMUNE DE SORRADILE

AVISU A SOS TZITADINOS

SA CARTA DE IDENTIDADE ELETRÒNICA NOA (C.I.E.)

Dae su primu de làmpadas 2018 su Comune de Sorradile at ativadu su servìtziu de emissione de sa CARTA DE IDENTIDADE ELETRÒNICA.

Totu sos tzitadinos si podent presentare a s'Ufìtziu de s'Anàgrafe de su Comune cun sa carta de identidade betza e una fotografia.

Ø Sa CIE non at a èssere imprentada e cunsignada in s'isportellu in su momentu chi si faghet sa rechesta, ma at a èssere ispedida dae s'Istitutu Poligràficu e Zeca de s'Istadu, a intro de 6 dies de traballu dae sa rechesta, a s'indiritzu indicadu dae chie dda pedit (residèntzia sua o domitzìliu diferente o in sos matessi ufìtzios de su Comune).

Ø Sas cartas de identidade in paperi o eletrònicas emìtidas prima abarrant vàlidas fintzas a sa data de s'iscadèntzia issoro.

Ø Sa carta de identidade in paperi dda podet fàghere luego s'isportellu cando b'est a beru e est documentada s'urgèntzia sinnalada dae chie pedit su documentu pro arresones de salude, viàgios, consultatziones eletorales e leare parte a cuncursos o garas pùblicas.

Ø Si emìtint in formadu CIE sas carta de identidade de sos tzitadinos chi non podent andare de persone a s'Ufìtziu de s'Anàgrafe (2° domitzìliu''). In custu casu ebbia est amìitidu chi manchet sa registratzione de sas improntas digitales.

Cando si pedit s'emissione de sa Carta de Identidade Eletrònica sas persones chi ant lòmpidu sos 18 annos podent espressare sa voluntade issoro de donare sos òrganos e tessutos firmende una decraratzione chi at a èssere mandada a su Sistema Informativu Trapiantos (SIT).

S'emissione de sa Carta de Identidade Eletrònica costat 23,00 èuros, cun sos 16,79 chi sunt su rimborsu a favore de s'Istitutu Poligràficu e Zeca de s'Istadu pro s'ispesa de emissione e ispeditzione.

Su versamentu, in contante, si depet fàghere in deretura in s'Anàgrafe prima de cumentzare sa pràtica de s'achisitzione de sos datos.

POSTU IN CONTU SU TEMPUS PRO S'EMISSIONE DE SA CARTA DE IDENTIDADE ELETRÒNICA DAE PARTE DE SU MINISTERU DE SOS INTERNOS (6 DIES DE TRABALLU), S'INVITANT SOS TZITADINOS A ANDARE A S'UFÌTZIU ANÀGRAFE DE SU COMUNE 10 DIES IN ANTIS DE S'ISCADÈNTZIA PRO DDA TORRARE A FÀGHERE A NOU.

SI TORRAT GRÀTZIAS PRO SA COLLABORATZIONE.

SU SÌNDIGU

Pietro Arca

(MM)

torna all'inizio del contenuto
torna all'inizio del contenuto