Vai a sottomenu e altri contenuti

Rinviadu su retiru de sos trastos pro s’àliga, sos ecotzentros sighint a abarrare serrados.

Si faghet a ischire a sos tzitadinos ca pro s'emergèntzia COVID-19 su retiru de sos trastos pro sa regorta seberada de s'àliga, 'kit di partenza', est istadu rinviadu a die ancora de istabilire. Ant a passare a nde retirare s'àliga dae ghenna in ghenna fintzas in domo de chie ancora non tenet sos trastos. A ònnia modu, finida s'emergèntzia, sos utentes chi non ddu tenent podent lòmpere a nde retirare su kit a s'ecotzentru, in sas dies istabilidas chi podides bìere in s'avisu allegadu.

In prus faghimus a ischire a totu sos utentes ca a pustis de sas ùrtimas prescritziones de su DPCM de su 8 de martzu de su 2020 e de su DPCM de su 11 de martzu 2020, sa TeknoService srl tenet netzessidade de lassare serrados sos ecotzentros de Neoneli, Samugheo e Sorradile dae mèrcuris 25 de martzu 2020 a chenàbura 3 de abrile 2020. Abarrat garantidu comente in antis su servìtziu de s'àliga dae ghenna in ghenna e su retiru de sos ingombrantes tzirriende su nùmeru birde 800.615622.

Avisu Kit regorta àliga

Avisu ecotzentros serrados

A.F.

torna all'inizio del contenuto
torna all'inizio del contenuto