Vai a sottomenu e altri contenuti

Coronavirus: s’òrdine de sos dotores de sa provìntzia de Aristanis organizat una regorta de dinari

S'òrdine de sos dotores, chirurgos e odontoiatras de sa provìntzia de Aristanis, paris a sa testada giornalìstica on-line Link Oristano, at abertu unu contu currente postale destinadu a regòllere donatziones de dinari pro comporare machinàrios, arredos e àteru materiale sanitàriu chi non podet mancare pro curare sos malàidos de covid-19 e fàghere in manera chi sas istruturas sanitàrias territoriales e sos operadores sanitàrios nostros potzant parare fronte a custa emergèntzia.
In pagas dies ant regortu dinari meda gràtzias a su bonu coro de aziendas, assotziatziones e privados.
Sunt cumintzende a arribare a s'ispidale San Martino de Aristanis machinàrios e materiale ùtile.
Un agiudu mannu in custa emergèntzia dd'at dadu a sa ASSL de Aristanis sa Banca de Crèditu Cooperativu de Arborea chi at donadu ventiladores polmonares, mascarinas, aspiradores, monitor, ecògrafos e àteras atretzaduras. Pro sustènnere custa initziativa si podet fàghere una donatzione a su contu postale intestadu a:


ORDINE DEI MEDICI DELLA PROVINCIA DI ORISTANO

IBAN: IT54O0760117400000004722250 - CAUSALE 'Emergenza Coronavirus'


Regordamus ca a sas donatziones pro finantziare interventos ùtiles contra su COVID-19, fatas dae persones fìsicas, ispetat una detratzione de imposta lorda de su 30%; sas donatziones fatas dae sas aziendas si nche podent iscarrigare dae su rèdditu de impresa pro IRES e IRAP.

A.F.

torna all'inizio del contenuto
torna all'inizio del contenuto