Vai a sottomenu e altri contenuti

Ordinàntzia n. 2 de su 2020

Ogetu: pulitzia de sos terrinos, ortos, giardinos dae istula, erba mala e molas de ispina pro motivos de salude pùblica, seguresa urbana, igiene e sanidade.

A INTRO, E NON A PUSTIS, DE SA PRIMA DIE DE LÀMPADAS
Sos meres de terrinos chi non sunt postos a sèmene e chi ferint a intro de sa bidda sunt obligados

a) a nche messare s'erba pro fàghere a manera chi sos diserbantes chi s'ant a pònnere pro sa disinfestatzione fatzant efetu e pro fàghere a mancu chi si peset fogu;

b) a ispatzare in sos oros de muru a chirru de foras;

c) a nche fuliare s'abba apaulada e totu s'àliga ammuntonada in ue si podent cuare bobbois e sòrighes.

d) S'Amministratzione Comunale s'at a incurare de ispatzare in sos tretos in ue podet pigare fogu a su postu de sos propietàrios chi non ant a respetare s'ordinàntzia ponende in contu a issos sas ispesas de su traballu.

A chie non ponet in mente a sas prescritziones de custa Ordinàntzia su Comune at a fàghere de ufìtziu sos traballos ponende a càrrigu issoro s'ispesa. Abarrat garantida s'aplicatzione de sas àteras santziones amministrativas in dinari prevididas dae sa Lege de su 21 de santandria de su 2000 nùmeru 353 e semper chi no ddu apat reatu, sa violatzione de sas dispositziones de custa Ordinàntzia cumportat a sos sensos de s'art.7 bis de su Decretu Legislativu de su 18 de austu de su 2000 n.267 su pagamentu de una contraventzione amministrativa in dinari dae 25 a 500 èuros e su pagamentu de unu tantu pari a 50 èuros (chimbanta èuros) comente pagamentu in mesura minimada ex art.16 de sa Lege 689/81. Si ddu at un inadempimentu, a pustis chi sa violatzione de s'Ordinàntzia est istada atzertada e pagada sa contraventzione, s'at a fàghere de Ufìtziu sa pulitzia de sos lotos interessados faghende pagare sas ispesas a su trasgressore.

Sunt garantidas sas àteras dispositziones in matèria.

Contra a custa ordinàntzia est ammìtidu su recursu a su Tribunale Amministrativu Regionale de Sardigna, intro de 60 dies dae sa notìfica/publicatzione de su matessi in sos tempos e in sas maneras prevididas dae sa Lege n. 1094/1971 o si nono a su Presidente de sa Repùblica, intro de 120 dies, in sos modos e in sos tempos prevididos dae su D.P.R. n.1191/1971

Pro su chi non est dispostu in custu provedimentu balent sas dispositziones de sas Prescritziones Regionales antintzèndiu 2020 iscritas in s'allegadu de sa Deliberatzione de sa Giunta Regionale n.22/3 de su 23 de abrile de su 2020.

Su personale de sa Politzia Munitzipale, sos vìgiles sanitàrios de s'azienda ASL de Aristanis, su personale de sas Istatziones forestales de sa zona, paris cun sos àteros agentes de sa fortza pùblica sunt incarrigados de fàghere respetare sas normas de custa ordinàntzia.

Ula, su 12 de maju de su 2020

Su Sìndigu

Ovidio Loi

torna all'inizio del contenuto
torna all'inizio del contenuto