Vai a sottomenu e altri contenuti

ORDINÀNTZIA N.3 DE SU 2020

A ite ora devent serrare sos esertzìtzios pùblicos chi bendent cosa a papare e a bufare (tzilleris) e sos tzìrculos privados dae su 27 de maju a su 30 de làmpadas de su 2020

Cun s'ordinàntzia nùmeru 3 de su 2020 su Sìndigu de Ula, Ovidio Loi, dat òrdine chi, a cumintzare dae su 27 de su mese de maju fintzas a su 30 de làmpadas, e francu àteras dispositziones noas chi ant a pòdere essire in su matessi trincu de tempus, sos tzilleris e sos tzìrculos privados respetent s'òbligu de serrare a sas 10 e mesu de sero (22.30).
Pro cantu totu atenet a sas normas de seguresa pro firmare su contàgiu dae COVID 19 si faghet riferimentu a sas ordinàntzias dispostas dae sa Presidèntzia de sa Regione Autònoma de Sardigna e a sos D.P.C.M. natzionales.

Sos Agentes de sa Fortza Pùblica sunt incarrigados de fàghere respetare custa ordinàntzia, est òbligu a chie ispetat de dda osservare e de dda fàghere osservare.

Ordinàntzia de su Sìndigu n.3 de su 2020

A.F.

torna all'inizio del contenuto
torna all'inizio del contenuto