Vai a sottomenu e altri contenuti

Busache: orìgine de su nùmene

A su chi iscriet Massimo Pittau in su libru Luoghi e toponimi della Sardegna sas diferentes ispiegatziones chi su nùmene de Busache podet tènnere sunt duas :
Podet èssere unu topònimu de orìgine sardiana o protosarda, comente faghet a pentzare su sufissu -àk chi agatamus in nùmenes sardianos meda comente: nuràke, neulàche e àteros. Esistit fintzas nùmenes etruscos cun su matessi sufissu.
Si podet fintzas pentzare chi su nùmene Busache siat ligadu a àteros topònimos comente Busadda, Busaddedda (Carzeghe), Busadde (Cùglieri), sa Busana (Galtellì), Busanca (Ulassai), Busàu(r)ru (Paule), Busola (Bòrore), Bùsoro e Busurté(i) (Sèdilo). Sunt totus nùmenes cun sufissu e atzentu sardianu.
Totu custos nùmenes podet èssere chi nde bèngiant dae su faeddu Busa chi diat a chèrrere nàrrere mola, giassu de molas (Illorai e Bolòtana) e chi est unu nùmene de orìgine sardiana. E duncas Busache sighende custa teoria diat a chèrrere nàrrere 'giassu de molas mannas'.
Podet èssere però fintzas chi su topònimu tèngiat un' orìgine latina dae su vocativu de su gentilìtziu Byzacius, dae su nùmene romanu de su mere de una villa.

Sa biddighedda est numenada in su Còditze Diplomàticu de sas relatziones tra sa Sardigna e sa S.Sede (CDSS I 60) e dda nùmenant bortas meda fintzas tra sas crèsias de sa Diòtzesi de Arborea chi in sa metade de su 1300 versaiant sas dètzimas a sa Cùria de Roma. Dda agatamus fintzas tra sas biddas chi ant firmadu sa paghe intro de Eleonora de Arborea e Giovanni de Aragona in su 1388.
In sa Chorographia Sardiniae de G.F. Fara (de sos annos 1580-1589) agatamus oppidum Busachi.

A.F.

torna all'inizio del contenuto
torna all'inizio del contenuto