Vai a sottomenu e altri contenuti

Avisu Pùblicu: seletzione pro n.2 tirotzìnios formativos in su Comune de Ula

Su Responsàbile de s'àrea amministrativa faghet a ischire ca s'at a fàghere una seletzione pùblica, (pro inocupados e disocupados) in base a sos tìtulos e a su collòchiu, pro formare una graduatòria pro ativare n.2 tirotzìnios formativos e de orientamentu, de tres meses onniunu (cun possibilidade de èssere prorogados).

Pro fàghere domanda pro leare parte a sa seletzione tocat a:
• èssere residentes in Ula;
• tènnere 18 annos fatos;
• èssere inocupados o disocupados (a ònnia modu iscritos a su Tzentru pro s'impiegu cumpetente);
• no àere tentu cundennas penales ne èssere istadu cundennadu a penas detentivas o a mesuras de preventzione;
• no èssere istadu esclùdidu dae s'eletoradu polìticu ativu
• tènnere sos diritos tziviles e polìticos
• tènnere su Diploma de Iscola media superiore o àteru tìtulu superiore a custu.

Tocat a tènnere totu custos tìtulos a s'iscadèntzia de s'avisu

Ite tocat a ischire pro presentare sa domanda

Sa domanda cheret presentada in carta lìbera in sos mòdulos aprontados dae su Comune, cheret firmada dae su candidadu e tocat a nche allegare sa fotocòpia de unu documentu de identidade in cursu de valididade e su curriculum vitae. Tocat a compilare su mòdulu totu cumpletu.
Devet èssere indiritzada a 'Comune di Ula Tirso, Piazza Italia 109080-Ula Tirso (OR), e portare iscritu in foras de sa busta 'Selezione per tirocinio formativo e di orientamento', devet arribare a Comune intro e non a pustis de su 22 de làmpadas 2020 a sa una (h. 13,00). Sas domandas chi arribant a pustis de s'iscadèntzia no ant a èssere cunsideradas.

Comente nche cheret mandada sa domanda:

•Sa domanda si nche podet leare in deretura a manos a s'Ufìtziu de su Protocollo de su Comune de Ula, chi at a lassare sa ritzevuta;
•cun sa PEC a custu indiritzu comune.ulatirso@legalmail.it
•cun racumandada cun ritzevuta de ritorno a custu indiritzu: Comune di Ula Tirso, Piazza Italia 1 -09080 Ula Tirso(OR) e in custu casu balet sa data de su timbru postale;
Non sunt ammìtidas àteras maneras de cunsenniare sa domanda
Su Comune non si leat responsabilidade peruna pro ritardos chi sunt neghe de sas Postas o si sa lìtera no arribat ca est isballiadu s'indiritzu iscritu in sa busta.
Sa seletzione dd'at a fàghere una cummissione esterna chi at a nominare su Responsàbile de s'àrea amministrativa. S'at a leare in cunsideru su curriculum, su collòchiu motivatzionale e s'at a fàghere fintzas una prova pràtica pro bìere s'abilidade in su computer (pachetu office). Sa cummissione tenet a dispositzione 30 puntos in totu de assinniare e intrant in graduatòria sos chi non leant prus pagu de 21/30.
Sa cunvocatzione pro su collòchiu at a èssere publicada solu in su situ istitutzionale de su comune de Ula www.comune.ulatirso.or.it. e no ant a èssere fatos avisos personales.

Si ses interessadu leghe cun atentzione s'Avisu cumpletu chi agatas publicadu in su situ de su comune dae in ue si nde podet iscarrigare fintzas su mòdulu pro fàghere sa domanda.

A.F.

torna all'inizio del contenuto
torna all'inizio del contenuto