Vai a sottomenu e altri contenuti

Eletziones Comunales de su 2020 in Sardigna

Sas eletziones comunales in Sardigna non s'ant a fàghere in su mese de cabudanni ma in su mese de santugaine o santandria. In Sardigna su 20 e su 21 de cabudanni s'at a votare pro su referendum pro minimare sos istipèndios de sos parlamentares e pro sas supletivas de su senadu in su collègiu Tàtari-Terranoa. Sunt 160 in totu sos comunes sardos chi in atòngiu ant a torrare a seberare a sos sìndigos issoro (Nùgoro, Cuartu e Porto Turres tra sos prus mannos). 'In Sardigna s'at a votare una domìniga tra su 24 de santugaine e su 29 de santandria. Dd'at istabilidu una lege regionale aprovada in Cussìgiu unu mese a como'' -At naradu s'assessore regionale a sos Entes Locales Quirico Sanna ammentende s'autonomia chi sa Regione Autònoma de Sardigna tenet in matèria.
'In prus- at agiuntu s'assessore- nos at apretadu s'ANCI, su Cal e fintzas totu sos sìndigos, chi nos ant ammentadu comente, s'in casu sa votatziones s'esserent fatas in su mese de cabudanni, totu sa campagna eletorale si diat a dèvere fàghere in su mese de austu: unu mese in ue agiumai totus o sunt in fèrias o traballant in su setore turìsticu e duncas prus pagu gente assortit pro lòmpere a votare'.
Segundu cantu narat s'assessore de sa giunta regionale, faghende sas amministrativas in su mese de cabudanni su rìschiu diat a èssere pròpiu chi prus de sa metade de sa gente no andet pròpiu a votare.
In provìntzia de Aristanis sunt 41 sos comunes in ue si votat: pagu prus de sa metade. Intro de sos comunes prus mannos ddoe est Mòguru, Santa Justa, Samugheo, Arborea e Bilàrtzi.
In s'elencu de sas Amministratziones Comunales de rinnovare agatamus: Abbasanta, Àllai, Arborea, Assolo, Asuni, Baressa, Bidoniu, Busache, Curcuris, Frussio, Fordongianus, Gonnonò, Gonnostramatza, Làconi, Masullas, Montresta, Neoneli, Norghiddo, Nurachi, Parmas Arborea, Pau, Paulle, San Nicolò Arcidanu, Santeru, Santu Lussùrgiu, Sèneghe, Sinnariolesu, Siamaiore, Siapicia, Simaghis, Sune, Tadasune, Ula, Usellus, Villa Sant'Antoni, Villanova Truschedu e Tzeddiani.

A.F.

torna all'inizio del contenuto
torna all'inizio del contenuto