Ocannu puru torrat a comintzare sa rassigna tzinematogràfica ''CINEMA estate 2020'' organizada dea su tzìnema Joseph de Bilàrtzi a manos de pare cun s'Amministratzione Comunale de Bilàrtzi, sas amministratziones de unas cantas biddas de su Guilcer e fintzas cussa de su Comune de Ula.

In Ula si comintzat su 27 de làmpadas cun su film ‘Bohemian Rhapsody'a sas noe e mesu de sero in pratza IV Novembre. ''Sos film s'ant a fàghere in sa pratza IV Novembre respetende totus sas dispositziones in matèria de seguresa e preventzione e su distantziamentu de nessi unu metru tra pare'' At naradu su sìndigu Ovidio Loi.

Custu est su calendàriu pro sa proietzione de sos àteros film in sa bidda de Ula:

• su 2 de trìulas ''Il richiamo della foresta'';
• su 23 de trìulas ''Mio fratello rincorre i dinosauri''
• su 30 de trìulas ''Copperman''

S'ùrtima proietzione est in programma pro su 6 de austu cun ''L'uomo che comprò la luna'' de su regista Aristanesu Paolo Zucca, giradu in Casteddu e in unas cantas biddas de sa provìntzia de Aristanis.

Sos film sunt adatos a totus, mannos e minores, e si podet lòmpere a ddos bìere sentza de pagare nudda.

A.F.