Vai a sottomenu e altri contenuti

ORDINÀNTZIA RAS N. 34 DE SU 15 DE TRÌULAS 2020

ORDINÀNTZIA RAS N. 34 DE SU 15 DE TRÌULAS 2020

Àteras mesuras istraordinàrias urgentes de amparu e preventzione pro sa difusione epidemiològica dae COVID-19 in su territòriu regionale de sa Sardigna. Ordinàntzia cunforma a s'art. 32, comma 3, de sa lege 23 de nadale 1978, n. 833 in matèria de igiene e sanidade pùblica.

In s'ordinàntzia sunt cunfirmados, fintzas a su 31.07.2020 a segunda de comente andat s'epidemia, sos disponimentos de abertura de sas atividades giai cunsentidas cun sas ordinàntzias n. 20 de su 02/05/2020, n. 22 de su 13/05/2020, n. 23 de su 17/05/2020, n. 30 e n. 31 de su 04/07/2020.

In su respetu de su DPCM de su 14/07/2020, dae su 15/07/2020 sunt permìtidas sas sagras, fieras e festas in sas biddas, chi siant a manera esclusiva fatas in foras, in logu abertu e cun sa proibitzione chi sa gente s'atropet; sunt permìtidas fintzas sas atividades de sas discotecas e locales cun atividades de ispàssiu e semper cun sa proibitzione chi sa gente s'atropet.

In su situ istitutzionale de su Comune de Neoneli, allegada a sa nova in limba italiana, si podet iscarrigare s'ORDINÀNTZIA N. 34 DE SU 15 DE TRÌULAS 2020

(MM) 21.07.2020

torna all'inizio del contenuto
torna all'inizio del contenuto