Vai a sottomenu e altri contenuti

Avisu Bursas de istùdiu

Bursas de istùdiu a favore de sos istudiantes de sas iscolas pùblicas segundàrias de I e II gradu, pro s'annu iscolàsticu 2019/2020

Su Comune de Ula at publicadu s'avisu e su bandu chi pertocant sa cuntzessione de bursas de istùdiu a favore de sos istudiantes capatzes e chi mèritant de sas iscolas pùblicas segundàrias de I e II gradu pro s'annu iscolàsticu 2019/2020.

Iscadèntzia: 31/07/2020

In sa nova publicada, in limba italiana, in su situ istitutzionale de su Comune de Ula si podent iscarrigare:

Documentu: Cuntzessione bursas de istùdiu a favore de sos istudiantes capatzes e mereschidores de sas iscolas pùblicas segundàrias de I e II gradu pro s'annu iscolàsticu 2019/2020. Aprovatzione bandu de cuncursu e iscadèntzia presentada domandas.

Avisu

Mòdulu de domanda

Bandu de partetzipatzione

***********************************************

COMUNE DE ULA

PROVÌNTZIA DE ARISTANIS

Su Responsàbile de su Servìtziu Amministrativu - Setore Servìtziu Sotziale

in esecutzione de sa delìbera de sa Giunta Comunale n. 46 de su 07/07/2020 e de sa determinatzione pròpia n. 38 de su 08/07/2020

FAGHET PÙBLICU

ca su 31 de trìulas 2020 est s'iscadèntzia

pro presentare sas domandas pro sa cuntzessione de sas

bursas de istùdiu in favore de sos istudiantes capatzes e chi mèritant

Destinatàrios de s'interventu:

istudiantes residentes in su Comune de Ula chi in s'annu iscolàsticu 2019/2020 ant frecuentadu sas iscolas pùblicas segundàrias de I gradu (iscola mèdia) e de II gradu (iscola superiore).

Sos istudiantes ant a pòdere benefitziare de sas bursas de istùdiu a custas cunditziones:

· No àere presentadu domanda pro bursa o assegnu de istùdiu a àteros Entes e/o organismos pro su matessi annu iscolàsticu.

· Àere tentu in s'annu iscolàsticu 2019/2020 una votatzione finale no inferiore a su ''bonu'' (o sete) pro s'iscola segundària de I gradu e a sa mèdia de su 7 (sete), sentza dèpidos formativos, pro s'iscola segundària de II gradu.

No ant a èssere ammìtidos:

· Sos chi presentant sa domanda a s'ufìtziu Protocollu de su Comune a pustis de sa data fissada pro s'iscadèntzia;

· Sos chi ant leadu una votatzione finale inferiore a cussa pedida.

A sa domanda depent èssere allegadas:

· autotzertificatzione chi atestat su giudìtziu/votu finale leadu in s'annu iscolàsticu 2019/2020 pretzisende chi no bi sunt dèpidos formativos;

· autotzertificatzione chi atestat de no àere presentadu domanda de bursa o assegnu de istùdiu a àteros Entes e/o organismos pro su matessi annu iscolàsticu.

· tzertificatzione ISEE de su nùcleu familiare cunforma a sa normativa in vigore, vàlida;

· fotocòpia documentu identidade de su rechedente

Sos mòdulos de domanda sunt a disponimentu in sos ufìtzios comunales e si podent iscarrigare dae su situ istitutzionale de su Comune a s'indiritzu: www.comune.ulatirso.or.it

Ula, su 08/07/2020

Su Responsàbile de su Servìtziu

Ovidio LOI

(MM)

torna all'inizio del contenuto
torna all'inizio del contenuto