Vai a sottomenu e altri contenuti

Referendum Costitutzionale de su 20 - 21 de cabudanni 2020 - Sèberu eletores a manera temporànea in s'èsteru

Referendum Costitutzionale de su 20 - 21 de cabudanni 2020 - Sèberu eletores a manera temporànea in s'èsteru

COMUNE DE BIDONIU - Prov. ARISTANIS
UFÌTZIU ELETORALE

OGETU: Referendum Costitutzionale cunfirmativu de su 20-21 cabudanni 2020 in contu de sa ridutzione de su nùmeru de sos Parlamentares - Votu de sos eletores a manera temporànea in s´èsteru pro traballu, istùdiu o curas mèdicas e de sos familiares cunviventes

Sa lege 6 maju 2015, n. 52 e sas modìficas fatas a pustis, de riforma de su sistema de eletzione de sa Càmera de sos Deputados, at introduidu modìficas a sa disciplina de su votu in sa tzircuscritzione Èsteru pro sas eletziones polìticas e pro su referendum de sos artìculos 75 e 138 de sa Costitutzione, previdende su votu pro currispondèntzia de sos eletores a manera temporànea in s'èsteru pro traballu, istùdiu o curas mèdicas e de sos familiares cunviventes.

Duncas, in ocasione de su Referendum Costitutzionale cunfirmativu de su 20-21 de cabudanni 2020 pro sa ridutzione de su nùmeru de sos Parlamentares, cunvocadu cun D.P.R. in data 17 de trìulas 2020 (GU n.180 de su 18 de trìulas 2020), sos eletores italianos chi pro traballu, istùdiu o curas mèdicas sunt a manera temporànea in s'èsteru pro unu perìodu de a su nessi tres meses, e fintzas sos familiares chi bivent cun issos, podent seberare de votare pro currispondèntzia.

Su sèberu de su votu pro corrispondèntzia depet arribare a su Comune de iscritzione in sas listas eletorales a intro de su de 32 dies in antis de su votu (cun possibilidade de rèvoca a intro de sa matessi iscadèntzia), duncas a intro de su 19 de austu 2020, impreende su modellu ministeriale apòsitu chi si podet iscarrigare dae su situ istitutzionale.

Bidoniu, su 27.07.2020

S'Ufitziale Eletorale Comunale

Maria Grazia Mascia

In su situ istitutzionale de su Comune de Bidoniu sunt allegados a s'avisu in limba italiana custos documentos :

· Referendum Costitutzionale de su 20 - 21 cabudanni 2020 - Opzione eletores a manera temporànea in s'èsteru

· Referendum Costitutzionale de su 20 - 21 cabudanni 2020 - Opzione eletores a manera temporànea in s'èsteru- Mod.Opzione

Pro informatziones

Ufìtziu/Òrganu: Àrea Afares Generales

Referente: Maria Grazia Mascia

Indiritzu: Via Taloro 3, 09080 Bidoniu(ARISTANIS)

Telèfono: 078369044

Fax: 078369407

Posta eletrònica: servizi.demografici@comune.bidoni.or.it

Posta eletrònica tzertificada: protocollo@pec.comune.bidoni.or.it

(MM)

torna all'inizio del contenuto
torna all'inizio del contenuto