Vai a sottomenu e altri contenuti

Iscritziones a s’Iscola Tzìvica de Mùsica

COMUNE DE ILARTZI

Avisu pùblicu pro sas iscritziones a s'Iscola Tzìvica de Mùsica Intercomunale
GUILCIER BARIGADU Annu iscolàsticu 2020/2021

Su Responsàbile de su Setore Amministratzione Generale

Bida

sa L.R. n. 28 de su 15/10/97;

sa Deliberatzione de Giunta Regionale n. 41/3 de su 15/10/2012 chi istabilit ''Critèrios e modalidades pro sa cuntzessione de finantziamentos a sos Comunes pro s'istitutzione e su funtzionamentu de sas iscolas tzìvicas de mùsica'';

Cunsiderende ca

  • su Comune de Ilartzi at promòvidu s'istitutzione de s'Iscola Tzìvica de mùsica in forma assotziada cun sos Comunes de su Barigadu e de su Guilcier, Abbasanta, Aidumajore, Ardaule, Bidoniu, Boroneddu, Busache, Fordongianus, Neoneli, Norghiddo, Nughedu Santa Itòria, Soddie, Sorradile, Ula;
  • sas atividades de s'Iscola Tzìvica sunt cumintzadas dae s'annu iscolàsticu 2012/2013;
  • su Comune de Ilartzi, essende Ente capufilera, atuende sa Deliberatzione de Giunta Comunale n. 64 de su 29/05/2020, at presentadu domanda apòsita de finantziamentu a sa Regione pro sa cuntzessione de su contributu pro s'Iscola Tzìvica de mùsica pro s'annu iscolàsticu 2020/2021;
  • in s'annu iscolàsticu 2020/21 faghent parte de s'Iscola Tzìvica sovracomunale Guilcier Barigadu sos comunes de Abbasanta, Aidumajore, Ardaule, Bidoniu, Boroneddu, Busache, Fordongianus, Ilartzi, Neoneli, Norghiddo, Nughedu Santa Itòria, Soddie, Sorradile, Tadasune e Ula;

Faghet pùblicu

ca sunt abertas sas iscritziones a s'Iscola Tzìvica de Mùsica Guilcier Barigadu pro s'annu iscolàsticu 2020/2021 pro s'insegnamentu de custas disciplinas:

Violinu Bateria/Percusiones
Chiterra Clàssica Pianoforte
Chiterra Elètrica Tastiera moderna
Bassu Elètricu Sonete a matriperlas
Cantu Clàssicu Sonu
Cantu Modernu Mùsica impare
Mùsica Corale Clarinete
Coro boghes biancas Mùsica Eletrònica
Propedèutica musicale (fintzas a sos oto annos)

Sos cursos

Sos cursos ant a èssere organizados in 25 letziones individuales - longas 30 minutos ognuna - in un'annu, a francu pro sos cursos chi pertocant sas disciplinas de mùsica impare e propedèutica musicale chi ant a èssere de 60 minutos ognuna.

S'organizatzione didàtica at a èssere cuncordada a manera de permìtere e garantire una preparatzione semper prus manna.

S'incomintzu de sos cursos est acapiadu a sa disponibilidade de sos maistros, de sos locales e de sas risursas finantziàrias e a su nùmeru de sas domandas chi ant a arribare.

Si ant a mancare sas cunditziones iscritas in custu avisu, s'Iscola Tzìvica de Mùsica podet detzìdere de no ativare unu o prus de sos cursos.

Comente s'iscrìere

S'iscritzione a s'Iscola Tzìvica de Mùsica est aberta a totus sos chi apant lòmpidu sos 7 annos a intro de su 30 de abrile de s'annu iscolàsticu de riferimentu (30/04/2021).

Sos pipios de edade inferiore a su lìmite de sos 7 annos si podent iscrìere ebbia a sa disciplina de propedèutica musicale.

In su matessi annu iscolàsticu si podet frecuentare prus de unu cursu individuale.

Su Comune partètzipat a manera partziale pro sas ispesas de unu cursu ebbia pro ogni alunnu. Si si cheret partetzipare a prus de unu cursu, francu pro su primu, s'ispesa est totu a càrrigu de su partetzipante.

Oràrios

Sas letziones diant a pòdere incomintzare in su mese de santandria 2020 e ant a durare fintzas a su mese de làmpadas 2021.

Su maistru e su dischente ant a detzìdere paris sos oràrios de sas letziones.

Cando su dischente est assente non tenet su diritu de recuperare sa letzione.

Cuotas

Pro s'annu iscolàsticu in cursu sos critèrios e sas tarifas de aplicare sunt abarrados uguales a cussos de s'annu iscolàsticu 2019/2020.

Sa cuota de frecuèntzia pro s'annu iscolàsticu 2020/2021 est:

A) pro sos residentes in unu de sos Comunes aderint a sa gestione assotziada (Ilartzi, Abbasanta, Aidumajore, Ardaule, Bidoniu, Boroneddu, Busache, Fordongianus, Neoneli, Norghiddo, Nughedu Santa Itòria, Soddie, Sorradile, Tadasune e Ula):

· cursos individuales € 120,00

· cursos colletivos € 60,00

B) pro sos residentes in àteros Comunes:

· cursos individuales € 150,00

· cursos colletivos € 100,00

In casu de ritiru antitzipadu dae s'Iscola, sa cuota de frecuèntzia no at a èssere rimborsada.

Francu sa la prima letzione de prova, in antis de incomintzare sa de duas letziones, est de òbligu essere cunsignare a su comune de residèntzia (a su comune de Ilartzi si no est unu residente in unu de sos comunes chi aderint a sa gestione assotziada) còpia de su bonìficu bancàriu, chi atestat su pagamentu fatu. In casu contràriu, at èssere cunsiderada comente rinùntzia sentza àteras comunicatziones dae parte de s'Iscola.

Iscadèntzia pro presentare sa domanda

Sa domanda, paris cun sa còpia de su documentu de identidade, si depet presentare a su comune de residèntzia (a su comune de Ilartzi si no est unu residente in unu de sos comunes chi aderint a sa gestione assotziada), a intro de su 14 de cabudanni 2020.

Pro informatziones cuntatare s'ufìtziu cumpetente de su Comune pròpiu de residèntzia, si est unu de sos Comunes assotziados.

(MM)

torna all'inizio del contenuto
torna all'inizio del contenuto