Vai a sottomenu e altri contenuti

Agiudos pro praticare isport - iscritziones

Torradas a abèrrere sas iscadèntzias pro presentare sas domandas pro sos agiudos pro praticare atividades isportivas

Si comùnicat ca su Comune de Samugheo at torradu a abèrrere sas iscadèntzias pro presentare sas domandas pro otènnere de benefitziare de su programma de sas atividades pro favorèssere sa pràtica de s'isport dae parte de sos giòvanos.

Su benefìtziu est ''un'iscontu'' de su 25% de sa cuota mensile pagada dae sas famìllias pro cunsentire a sos fìgios pròpios de praticare un'isport. S'iscontu at a èssere cuntzèdidu a totus sos residentes chi tenent dae 0 a 18 annos de edade, a pustis de àere presentadu sa domanda apòsita a s'ufìtziu segreteria de su comune.

Sa domanda pro usufruire de s'iscontu pro s'annu isportivu 2020/2021 si depet presentare in comune a intro de su 28 de cabudanni 2020 a s'isportellu de s'ufìtziu protocollu.

Pro pòdere impreare s'iscontu est netzessàriu, in prus de presentare sa domanda, fintzas chi sa sotziedade o assòtziu isportivu tèngiat s'atividade in su territòriu de Samugheo e chi apat istipuladu una cunventzione cun su comune.

Pro su retiru, pro comente compilare sos mòdulos e pro cale si siat informatzione bisòngia de preguntare a s'ufìtziu segreteria e AA.GG. de su Comune dae su lunis a sa chenàbura dae sas 11,00 a sas 13,00.

Su mòdulu pro sa domanda si podet iscarrigare fintzas dae su situ istitutzionale de su Comune de Samugheo.

(MM)

torna all'inizio del contenuto
torna all'inizio del contenuto