Vai a sottomenu e altri contenuti

Agiudos Tari 2020

COMUNE DE SAMUGHEO
Avisu pùblico pro sa cuntzessione de benefìtzios pro sa TARI 2020

S‘informat ca est aberta s'iscadèntzia pro presentare sas domandas pro sa cuntzessione de benefìtzios pro sa TARI 2020. Custu bandu tenet sa punna de agiudare sas impresas (Ditas individuales, Impresas artigianas e Sotziedades), chi siant titulares de Partida Iva e iscritas a sa Càmera de Cummèrtziu, e fintzas sos Professionistas titulares de Partida Iva, chi tenent sa sede operativa pròpia in Samugheo e chi, in su perìodu dae su 05.03.2020 a su 03.05.2020, apant firmadu a manera totale s'atividade pro more de sos diferentes DPCM cun sas normas chi ant reguladu su perìodu de s'epidemia de su COVID-19.

Sa domanda s'at a pòdere presentare a intro de s'iscadèntzia ùrtima de sas 13:00 de su 30 de cabudanni 2020.

Su mòdulu pro presentare sa domanda si podet iscarrigare dae su situ istitutzionale de su Comune de Samugheo o si podet retirare in s'ufìtziu protocollu o tributos ogni die in custu oràriu: 11:00 - 13:00 e su mèrcuris dae sas 15:30 a sas 18:00.

Sa domanda si podet:

- cunsignare a manos, in s'ufìtziu protocollu, ogni die die in custu oràriu: 11:00 - 13:00 e su mèrcuris dae sas 15:30 a sas 18:00;

- mandare cun sa PEC a s'indiritzu protocollo@pec.comune.samugheo.or.it;

- mandare cun sa posta eletrònica a s'indiritzu protocollo@comune.samugheo.or.it;

- mandare cun sa posta ordinària a su Comune de Samugheo- Ufìtziu tributos- Pratza S. Sedda n. 5.

Pro àteras informatziones consultare su bandu allegadu a sa nova, in limba italiana, allegadu paris a su mòdulu pro sa domanda e a s'informativa in contu de sa privacy.

(MM)

Documenti allegati

Documenti allegati
Titolo  Formato Peso
Agiudos TARI 2020 Formato pdf 566 kb
torna all'inizio del contenuto
torna all'inizio del contenuto