Ordinàntzia sindacale n. 10 de s'08/09/2020 - Ativatzione Tzentru Operativu Comunale (COC) pro programmare sas mesuras organizativas e preventivas de leare pro sa gestione de s'emergèntzia sanitària acapiada a s'epidemia de Covid-19 (Coronavirus).

Mancari in su territòriu comunale non ddue siant casos de coronavirus - ma essende∙ddoe casos in Comunes a làcana - e essende∙ddoe in su Comune de Busache unu casu de positividade de COVID-19, postu como in regime de barantena obligatòria, sighende sas Diretivas Regionales de sa Protetzione Tzivile, est istadu netzessàriu ativare su Tzentru Operativu Comunale (COC).

Cun s'ordinàntzia n. 10 de s'08/09/2020, su Sìndigu at ordinadu de

1. Ativare in sa domo comunale in sa carrera F. Coco de Fordongianus, dae s'08.09.2020, fintzas a cando at a acabbare s'emergèntzia, su Tzentru Operativu Comunale (COC), chi tenet custas funtziones:

o Responsàbile C.O.C. e Unidade de coordinamentu: su Sìndigu

o Atividade de agiudu

o Tècnica de valutatzione e pianificatzione: Responsàbile Àrea Tècnica

o Voluntariadu: Responsàbile de su Protzedimentu Ufìtziu Protocollu e Anàgrafe

o Assistèntzia a sa populatzione: Responsàbile - Àrea Amministrativa Sotziale

2. De numenare su Responsàbile de su Protzedimentu Ufìtziu Tributos comente responsàbile de sa segreteria e gestione datos chi curat s'informatzione e non traballat foras de sas funtziones de su C.O.C.;

3. Sos cuntatos cun sos òrganos istitutzionales interessados ant a èssere in deretura cun su Sìndigu o cun unu delegadu suo;

4. De mandare s'Ordinàntzia a:

S'Albo pretòriu comunale on-line,

A su Cumandu de s'istatzione de sos Carabineris de Fordongianus,

A sos Assòtzios de Voluntariadu comunales,

A sa R.A.S. _ Dipartimentu de Protetzione Tzivile sala operativa cun su su sistema Zerogis,

A sa R.A.S. - Assessoradu Igiene e Sanidade

A sa Prefetura e Cuestura de Aristanis,

A s'ATS Sardigna - ASSL de Aristanis,

A sa Provìntzia de Aristanis.

Dae su situ istitutzionale desu Comune de Fordongianus si podet iscarrigare s'Ordinàntzia sindacale n. 10 de su 08/09/2020 - Ativatzione Tzentru Operativu Comunale (COC)

Pro informatziones:

Ufìtziu/Òrganu: Àrea Afares Generales (Resp.le Giovanni Carta)

Referente: Giovanni Carta

Indiritzu: Carrera Francesco Coco, 09083 Fordongianus (ARISTANIS)

Telèfono: 0783024526

Fax: 078360323

Posta eletrònica: info@comune.fordongianus.or.it

(MM)