Vai a sottomenu e altri contenuti

Albo iscrutadores de sègiu

COMUNE DE NEONELI

Provìntzia de Aristanis
C.A.P. 09080 Carrera Roma, 83-Tel. 0783/67747-Fax 0783/67764 www.comune.neoneli.or.it -info@comune.neoneli.or.it

protocollo@pec.comune.neoneli.or.it

SERVÌTZIU ELETORALE

ISCRUTADORES DE SOS SÈGIOS ELETORALES
agiornamentu de s'albo ùnicu comunale

SU SÌNDIGU

Bidu s'art. 3 de sa lege 8 de martzu 1989, n. 95, sostituidu, dae ùrtimu, dae s'art. 9, comma 3, de sa lege 30 abrile 1999, n. 120, chi previdit s'afissione de su manifestu apòsitu pro invitare a chie ddu cheret, a fàghere domanda pro s'iscritzione in s'albo ùnicu comunale de sos iscrutadores de sègiu eletorale;

Bida sa tzirculare de su Ministeru de s'Internu n. 166/99 de su 13 de cabudanni 1999, cun ogetu ''Albo de sas persones idòneas a s'ufìtziu de iscrutadore de sègiu eletorale, art. 9 de sa lege 30 de abrile 1999, n. 120'';

Bida sa tzirculare de su Ministeru de s'Internu - Diretzione tzentrale de s'Amministratzione tzivile - Diretzione tzentrale pro sos servìtzios eletorales - 3 freàrgiu 2000, n. 9/2000;

Bidu ca, in custu albo, podent èssere iscritos, faghende domanda, totu sos eletores chi tenent sos rechisidos prevididos dae sa lege n. 95/1999;

FAGHET PÙBLICU

totu sos eletores e sas eletoras de su Comune chi cherent èssere iscritos in s'albo ùnicu comunale de sas persones idòneas a s'ufìtziu de iscrutadore de sègiu eletorale depent presentare domanda a su sutascritu Sìndigu a intro de su mese de santandria de ocannu.

Pro s'iscritzione a custu albo si depet tènnere, a su nessi, su tìtulu de istùdiu de s'iscola de s'òbligu.

Cunforma a su chi est dispostu in sos artìculos 38 de su D.P.R. 30 de martzu 1957, n. 361 e 23 de su D.P.R. 16 de maju 1960, n. 570 e sas modìficas fatas a pustis, sunt esclùdidos dae sa funtzione de iscrutadore de ufìtziu eletorale de setzione:

1) sos dipendentes de su Ministeru de s'Internu, de sas postas e telecomunicatziones e de sos trasportos;

2) chie est in servìtziu in sas Fortzas armadas;

3) sos mèigos provintziales, sos ufitziales sanitàrios e mèigos condutos;

4) sos segretàrios comunales e sos dipendentes comunales incarrigados o cumandados a fàghere servìtziu in sos ufìtzios eletorales comunales;

5) sos candidados a sas eletziones chi si sunt faghende.

Sa domanda depet èssere fata in sos mòdulos apòsitos a disponimentu in s'ufìtziu comunale.

Sos eletores giai iscritos in s'albo podent pedire, a intro de su mese de nadale, de èssere iscantzellados.

Neoneli, su 07 de santugaine 2020

Su Sìndigu

(MM) F.du Salvatore Cau

torna all'inizio del contenuto
torna all'inizio del contenuto