Vai a sottomenu e altri contenuti

Agiornamentu Albo iscrutadores de sègiu

COMUNE DE ULA

Provìntzia de Aristanis

ISCRITZIONE A DOMANDA IN S'ALBO DE SAS PERSONES IDÒNEAS

A S'UFÌTZIU DE ISCRUTADORE IN SOS SÈGIOS ELETORALES

Bidu su primu comma, de s'art. 5 bis, de sa lege 8 martzu 1989, n. 95, introduidu dae s'art. 5 bis, de sa lege 21 de martzu 1990, n. 5, e bidas sas modìficas fatas a pustis de s'art.. 9 de sa Lege 30 de abrile 1999, n. 120

S'INVITANT

Sos eletores dispostos a èssere inseridos in s'Albo de sas persones idòneas a s'ufìtziu de iscrutadore in sos sègios eletorales a fàghere domanda apòsita.

RECHISIDOS (art. 1, lege n. 120/1999)

Pro pòdere èssere iscritos a s'Albo si depent tènnere custos rechisidos:

1. èssere eletores de su Comune e bìvere de sòlitu in Ula;

2. àere acumpridu sos òbligos iscolàsticos.

INCUMPATIBILIDADE (art. 38 D.P.R. 361/1957 e art. 23 D.P.R.570/1960).

'Sunt esclùdidos dae sas funtziones de iscrutadores de sègiu eletorale de setzione...: a) omissis...;

b) sos dipendentes de sos Ministeros de s'Internu, Postas e Telecomunicatziones, Trasportos;

c) sos chi apartenent a sas Fortzas armadas;

d) sos mèigos provintziales, sos ufitziales sanitàrios e sos mèigos condutos;

e) sos segretàrios comunales e sos dipendentes de sos Comunes incarrigados o cumandados a fàghere servìtziu in sos ufìtzios eletorales comunales;

f) sos candidados a sas eletziones chi si sunt faghende.'

DOMANDA

Sa domanda fata in carta lìbera in sos mòdulos apòsitos a disponimentu in s'ufìtziu eletorale comunale, depet èssere presentada, a intro de su 30 de SANTANDRIA de ocannu, a s'ufìtziu postu in PRATZA ITALIA 1.

NÒMINA

S'ammissione a sas funtziones, in ocasione de sas consultatziones eletorales, at a èssere fata pro nòmina dae sa Commissione Eletorale Comunale intra de totu sos iscritos in s'Albo in ogetu.

ULA, su 01/10/2020

SU SÌNDIGU

LOI OVIDIO

(MM)

Documenti allegati

Documenti allegati
Titolo  Formato Peso
Domanda iscrutadore Formato rtf 40 kb
torna all'inizio del contenuto
torna all'inizio del contenuto