Vai a sottomenu e altri contenuti

Bandu afitèvoles morosos

ISCADIT su 30 de santandria 2020

BANDU PRO S'ASSIGNATZIONE DE SOS CONTRIBUTOS PRO MOROSIDADE SENTZA CURPA

Sunt destinatàrios de sos contributos sos residentes in su Comune de Nughedu Santa Itòria, titulares de cuntratos de locatzione de unidade immobiliare a impreu abitativu sugetos a un'atu de intimatzione de isfratu pro morosidade sentza curpa.

Comente morosidade sentza curpa si cunsìderat sa situatzione de non pòdere pagare su cànone de locatzione pro more de àere pèrdidu su traballu o àere tenta reduida de a su nessi su 30% sa capatzidade reddituale de su nùcleu familiare o de su rèdditu cumplessivu.

Sa situatzione de impossibilidade capitada ìndicat una cunditzione sentza curpa noa, chi portat a una cunditzione econòmica noa de s'afitèvole causada dae una de custas càusas: pèrdida de su traballu pro litzentziamentu; acordos aziendales o sindacales cun ridutzione manna de s'oràriu de traballu; cassa integratzione ordinària o istraordinària chi lìmitet meda sa capatzidade reddituale; mancadu rinnovu de sos cuntratos a tèrmine o de traballos atìpicos; sessamentu o ridutziones mannas de atividades lìberu-professionales o de impresas registradas, non dèpidas a s'afitèvole chi non nde tenet peruna curpa o pro sa pèrdida de aviada in mesura manna; maladia grave, infortùniu o morte de una persone de su nùcleu familiare chi apat portadu o sa ridutzione manna de su rèdditu cumplessivu de su matessi nùcleu o sa netzessidade de s'impreu de una parte manna de su rèdditu pro fàghere fronte a ispesas mèdicas e assistentziales mannas.

In sa cuntzessione de sos contributos est critèriu de preferèntzia sa presèntzia in su nùcleu familiare de a su nessi unu chi tèngiat prus de setanta annos o unu minore o unu cun invalididade atzertada pro a su nessi su 74% o in càrrigu a sos Servìtzios Sotziales o a sas aziendas sanitàrias locales cumpetentes pro s'atuatzione de unu progetu assistentziale individuale.

S'importu màssimu de contributu chi si podet dare non podet superare sos €. 12.000,00.

Sos contributos ant a èssere versados in deretura a su locadore.

Sas domandas si depent presentare a intro de su 30 de santandria 2020 cun sas modalidades indicadas in su bandu allegadu.

Allegados:

· acordu intre sas partes

· ischema domanda

· bandu

(MM)

Documenti allegati

Documenti allegati
Titolo  Formato Peso
Bandu Formato docx 13 kb
Ischema de domanda Formato pdf 1393 kb
Acordu intra de sas partes Formato pdf 1039 kb
torna all'inizio del contenuto
torna all'inizio del contenuto