S'Òrdinantzia de su Sìndigu de Fordongianus pro disciplinare sa tzirculatzione istradale

Cun s'ordinàntzia n. 17 de su 13/11/2020, ‘Mesuras in relatzione as sa netzessidade urgente pro evitare atropòllios de persones, in s'àmbitu de s'emergèntzia sanitària pro fàghere fronte a sa difusione de su contàgiu de virus Covid-19 e de amparu de sa salude pùblica. Disciplina de sa tzirculatzione istradale' su Sìndigu de Fordongianus, dot. Serafino Pischedda at ordinadu dae su 14 de santandria 2020 a su 03 de Nadale 2020 e francu àteros provedimentos chi podent èssere leados in consideru pro comente at a andare s'epidemia de su virus Covid - 19:

• de serrare a su tràficu de sos veìculos su tretu de s'istrada dae sos bagnos termales comunales a s'àrea camper (istrada a manu manca de su frùmene Tirsu). Sunt autorizados a passare in ambas sas diretziones, cun mezos mecànicos, pedonales o veìculos a manera esclusiva: sos dipendentes a servìtziu de sa gestione de s'àrea archeològica, sos propietàrios de so terrinos chi pro ddu intrare podent passare ebbia dae s'istrada interessada, sos chi guidant sos mezos de s'Amministratzione Comunale, sos residentes pro leare s'abba termale dae sa funtana de ''Caddas'' e, in casu, àteras persones autorizadas. Sa proibitzione non pertocat a sos chi benefìtziant de sos bagnos termales comunales, cun su lìmite s'oràriu indispensàbile pro benefitziare de sos bagnos etotu;

• est vietadu intrare a modde o a si firmare acanta de sos iscàrrigos de s'abba de sas termas in su frùmene Tirsu (giassu acanta de s'àrea archeològica de sas Termas Romanas);

• si depet respetare in ogni tzircustàntzia sa distàntzia de a su nessi unu metru intre sas persones (francu pro sos chi bivent paris), evitende in cale si siat modu de fàghere atropòllios.

Sa Politzia Locale e sas àteras Fortzas de politzia tenent s'incàrrigu de fàghere respetare s'Ordinàntzia.

(MM)