Vai a sottomenu e altri contenuti

Emergèntzia Covid 19 - Informatziones

Emergèntzia COVID-19 - Informatziones pro sos tzitadinanos

Est istadu aprontadu dae s'Ufìtziu de Politzia Locale, unu volantinu cun informatziones pro sos tzitadinos, in contu de comente si cumportare in su perìodu de barantena o isulamentu.

Atentzione! : Si ammentat a totu sas persones chi sunt in regime de guardiania sanitària o isulamentu fintzas voluntàriu, ca NON podent essire dae sa domo pròpia pro peruna resone, francu pro netzessidades sanitàrias autorizadas a manera espressa da s'ASSL e fintzas a s'iscadèntzia finale previdida pro sa barantena o s'isulamentu. Cale si siat netzessidade si tèngiat (ispesa, meighinas, gestione animales in domo, àteru...), su Comune est a disponimentu pro agiudare a custas persones e risòlvere sos problemas diferentes.

Chie tenet su Covid-19 ma no rispetat sa barantena podet èssere multadu cun una santzione penale cun s'arrestu dae 3 a 18 meses, in prus de s'ammenda dae 500 a 5.000 èuros. In casu de violatzione de s'isulamentu fidutziàriu, imbetzes, est previdida una santzione amministrativa in dinare dae 400 a 3.000 èuros.

Sa Sardigna est zona GROGA (arriscu moderadu) duncas sas mesuras restritivas chi como s'interessant de prus sunt:

Proibitzione de tzirculatzione dae sas 10 de note (h. 22.00) fintzas a sas 05.00 de mangianu.
Si podet andare in sas Regiones de sa zona groga.
Est racumandadu a forte de non si mòvere dae s'abitatzione pròpia si non pro netzessidades de traballu, istùdiu e de salude.
Sos tzentros cummertziales sunt serrados in sas die in antis de festa e in sas dies de festa (sunt abertos ebbia sos alimentares, potecarias, parapotecarias e edìcolas chi bi sunt a intro).
Didàtica a distàntzia pro sas iscolas mannas.
Capia de su 50% in mezos pùblicos de trasportu.
Mustras, museos e machinetas de giogos (chi bi sunt a intro de bar e istangos) sunt serrados.
Pro sos tzitadinos chi si depent mòvere in Sardigna dae sas 10 de note (h. 22.00) fintzas a sas 05.00 de mangianu pro netzessidades cumprovadas de traballu, istùdiu e de salude est de òbligu a compilare s'autotzertificatzione (su modello si podet iscarrigare dae su situ nostru o leare in Munitzìpiu).

Atentzione! S'ammentat a totu sos tzitadinos chi sunt in barantena o isulamentu, de ddu comunicare a manera immediata a su Comune pro chi s'ativet sa regorta seberada in modalidade amparada, chi cheret nàrrere de nche fuliare totu s'àliga paris, in unu sacu dòpiu e chi at a èssere leadu su MARTIS, fintzas chi no acabbat isulamentu­­­/barantena.

Totu sos ufìtzios comunales sunt a disponimentu cun sos recàpitos pròpios, pro cale si siat netzessidade.

SÌNDIGU : 3400923019

COMUNE : 078369044 e internu cun chie si cheret faeddare

Politzia Locale

Posta eletrònica : Ufìtziu.protocollo@comune.bidoni.or.it

Assistente Sotziale

Posta eletrònica : assistente.sociale@comune.bidoni.or.it

Ufìtziu Tècnicu

Posta eletrònica : servizio.tecnico@comune.bidoni.or.it

Servìtzios Demogràficos/Amministrativos

Posta eletrònica : servizi.demografici@comune.bidoni.or.it

Servìtziu Finantziàriu

Posta eletrònica : servizio.ragioneria@comune.bidoni.or.it

PEC : protocollo@pec.comune.bidoni.or.it

Situ Web www.comune.bidoni.or.it

Pàgina Facebook https://www.facebook.com/comune.bidoni

Su nùmeru de riferimentu comunale pro ogni emergèntzia est cussu de sa sìndiga nostra Dot.ra Ilaria Sedda 3400923019.

A su nùmeru fissu de su comune 078369044 rispondent ogni mangianu dae su lunis a sa chenàbura, pro totu sas àteras comunicatziones, si podet iscrìere a sos ufìtzios diferentes a sos indiritzos de posta eletrònica indicados.

Si racumandat de osservare a manera pretzisa sos disponimentos normativos in vigore pro preservare sa salude de totus.

Pro informatziones:
Ufìtziu/Òrganu: Servìtziu Vigilàntzia
Referente: Rosa Puligheddu
Indiritzu: Carrera Taloro 3
Telèfono: 078369044
Fax: 078369407
Posta eletrònica: Ufìtziu.protocollo@comune.bidoni.or.it-polizialocale.bidoni@gmail.com
Posta eletrònica tzertificada: protocollo@pec.comune.bidoni.or.it
(MM)

torna all'inizio del contenuto
torna all'inizio del contenuto