Vai a sottomenu e altri contenuti

Avisu RAS SINE LIMES

ISCADIT SU 29 de ghennàrgiu 2021

Avisu RAS 'SINE LIMES' pro sa cuntzessione de bonos servìtzios a favore de persones cun autonomias reduidas

Sa Regione Sardigna, Assessoradu a s'Igiene, Sanidade e Assistèntzia Sotziale at publicadu un'avisu pùblicu 'SINE LIMES' pro sa cuntzessione de Bonos servìtziu a favore de persones cun limitatzione a s'autonomia.

Sa mesura in agiudu de persones dèbiles in cunditziones agravadas pro more de s'emergèntzia covid-19 est s'erogatzione de Bonos servìtziu pro sos destinatàrios individuados.

Sos Bonos servìtziu ant a èssere assignados in deretura a su destinatàriu, comente unu contributu de non torrare (a fondo perduto) e de impreare comente rimborsu de s'ispesa pro pagare servìtzios ammìtidos.

S'avisu SINE LIMES est pro:

a) sugetos cun disabilidade cunforma a s'art.3 de sa Lege 104/92;

b) sugetos in càrrigu a sos Tzentros de salude mentale o a s'Unidade Operativa de Neuropsichiatria infantile e de s'adolescèntzia (UONPIA),

c) persones antzianas chi apant a su nessi 85 annos de edade.

Su valore de sos de Bonos servìtziu est unu contributu econòmicu pro pagare:

A) sos servìtzios de Assistèntzia domitziliare e de agiudu a sa persone,

B) sos servìtzios de cura, servìtzios de assistèntzia sanitària e servìtzios de assistèntzia sòtziu - sanitària.

Sos servìtzios subra indicados podent èssere erogados dae:

- personale sìngulu comente, s'indicat a manera sèmplitze ma non cumpleta, incarrigadu pro s'assistèntzia de base o operadore tècnicu assistentziale o operadore sòtziu - sanitàriu, àteras figuras professionales chi òperant in su setore sanitàriu (pro nàrrere psicòlogos, infermieris o fisioterapistas, àteros), assistentes familiares (pro nàrrere badantes);

- istruturas chi èrogant sos servìtzios de assistèntzia indicados in sos giassos A) e B) ( pro nàrrere servìtzios erogados dae sos tzentros diurnos, àteros).

S'assistèntzia podet pertocare s'erogatzione de prestatziones sanitàrias (pro nàrrere: mèdicas, diagnòsticas e terapèuticas, psicològicas, infermierìsticas e riabilitativas) e àteros servìtzios de assistèntzia a sa persone (pro nàrrere: igiene personale, cura de sa persone, assistèntzia a sos pastos, àteros).

Su valore màssimu de su Bonu Servìtziu est valutadu in tres fàscias ISEE diferentes:

* €.6.000,00 pro sos importos ISEE fintzas a €. 15.000,00;

* €.5.700,00 pro sos importos ISEE dae €.15.001,00 a €. 25.000,00;

* €.5.400,00 pro sos importos ISEE dae €. 25.001,00 a €.35.000,00.

S'importu de sos Bonos de servìtziu no at a pòdere superare sa summa cumpleta de sas ispesas tentas a beru e cumprovadas dae sa documentatzione giustificativa de ispesa.

At a èssere leada in consideru s'ispesa tenta pro pagare sos servìtzios in su perìodu dae sa data de sa publicatzione de s'avisu dae parte de sa Regione Sardigna fintzas a su 15 de Santugaine 2021.

Sas ispesas tentas pro sos servìtzios non depent èssere istadas giai ogetu de rimborsu cun àteras formas de agiudu o finantziamentu.

Sas domandas si depent presentare a manera esclusiva compilende sa Domanda telemàtica (DT) in forma online presente in su situ (SIL): www.sardegnalavoro.it

Sa domanda telemàtica, cun sos allegados e in versione definitiva, si depet presentare dae sas 9.00 de su 29 de Ghennàrgiu 2021 fintzas a s'acabbu de sas risursas istantziadas. Dae sas 9.00 de su 25 de Ghennàrgiu 2021 e fintzas a sas 8.59 de su 29 de Ghennàrgiu 2021, s'at a pòdere compilare sa Domanda in modalidade botza in su sistema SIL.

Si podent pedire informatziones chi pertocant custu avisu a su Servìtziu Polìticas pro sa famìllia e s'inclusione sotziale de sa Diretzione Generale de sas Polìticas sotziales iscriende a custu indiritzu de posta eletrònica:

san.polsoc.famigliaeinclusionesociale@regione.sardegna.it

Allegados:

Allegadu 1

Allegadu 2

Allegadu 3

Allegadu 4

Allegadu 5

Allegadu 6

Allegadu 7

(MM)

Documenti allegati

Documenti allegati
Titolo  Formato Peso
Allegadu 1 Formato pdf 242 kb
Allegadu 2 Formato pdf 1462 kb
Allegadu 3 Formato pdf 936 kb
Allegadu 4 Formato pdf 760 kb
Allegadu 5 Formato pdf 936 kb
Allegadu 6 Formato pdf 919 kb
Allegato 7 Formato pdf 905 kb
torna all'inizio del contenuto
torna all'inizio del contenuto