Vai a sottomenu e altri contenuti

REIS annu 2018

Si dat a ischire chi finas a su 31 de austu si podent presentare sas domandas pro intrare in su programma de rèdditu de inclusione sotziale (REIS - ''Agiudu Torradu'') pro s'annualidade 2018.

Sa domanda si podet presentare si nessi unu de sos cumponentes de sa famìllia est residente dae 24 meses in Sardigna.

Chie lu rechedet non devet tènnere tratamentos econòmicos previdentziales, indennitàrios o assistentziales chi sobrent sos 800 èuros a su mese (900 si b'at familiare chi no est autosufitziente).

Sos cumponentes de su nùcleu familiare non devent tènnere indennidade NASPI o àteros ammortizadores sotziales (si sunt disocupados); non devent tènnere veturas o motos immatriculadas pro sa prima borta in sos 24 meses in antis de sa rechesta (a mancu chi non b'apat agevolatzione fiscale in favore de persone cun disabilidade); non devent tènnere imbarcatziones de prus de 10 metros

Sos documentos si podent iscarrigare dae custu link: http://www.comunenughedusv.it/index.php/tzente/articoli/91

(GFP)

torna all'inizio del contenuto
torna all'inizio del contenuto