PRÒROGA ISCADÈNTZIA BANDU PÙBLICU PRO SOS CONTRIBUTOS DE NON TORRARE (A FONDO PERDUTO) PRO ISPESAS DE GESTIONE IN AGIUDU A IMPRESAS PITICAS E MICRO PRO S'ISVILUPU DE SAS ÀREAS INTERNAS FINTZAS PRO PARARE FRONTE A S'EPIDEMIA DAE COVID-19

Su Bando e sos allegados pro presentare sa domanda pro su contributu sunt publicados in s'Albo Pretòriu online e sa home page de su situ internet www.unionecomunibarigadu.it

Sos interessados depent fàghere arribare sa domanda in carta sèmplitze a intro e no a pustis de sas 14,00 de s'08/02/2021 comente in su modellu allegadu e a manera esclusiva cun sa Posta Eletrònica Tzertificada a s'indiritzu info@pec.unionecomunibarigadu.it

S'iscadèntzia pro mandare sa domanda est perentòriu e faghet riferimentu a s'oràriu de su sistema informàticu de achisitzione.

Ant a èssere cunsideradas arribadas in tempus sas domandas giai presentadas in su perìodu dae s'iscadèntzia fissada in antis (h. 12,00 de su 25/01/2021) e s'iscadèntzia noa de su bandu e semper e cando a intro de s'iscadèntzia perentòria de sas 14,00 de s'08/02/2021 comente detzìdidu como.

S'Unione de sos Comunes de su Barigadu non si leat peruna responsabilidade pro su chi pertocat a sos problemas de collegamentu internet chi non dipendant dae su funtzionamentu malu de sa piataforma impreada pro regòllere sas domandas.

Cun sa domanda depent arribare custos documentos:

• decraratzione sostitutiva in ue bi siant sos datos de registratzione a s'Agentzia de sas Intradas de su cuntratu de locatzione o de su cuntratu de su mutu o de su cuntratu de afitu de azienda;

• visura camerale in cursu de valididade (6 meses dae sa data chi est istadu emìtidu) o àteru documentu in ue si cumprendat sa data de costitutzione de s'impresa;

• Còpia documentu de identidade de su Rapresentante Legale.

Sa domanda e sos allegados ant a dèpere èssere firmados a manera digitale dae su Rapresentante Legale o, si non tenet sa firma eletrònica, firmados a manu e iscansionados pro ddos mandare. Non sunt ammìtidos àteros modos de presentare sa domanda.

Sa domanda est in forma de decraratzione sostitutiva de tzertificatzione/atu de notoriedade cunforma a sos artìculos 46 e 47 de su D.P.R. n. 445/2000 e est sugeta a sa responsabilidade, fintzas penale, comente indicadu in sos artìculos 75 e 76 de su matessi in caso de decraratziones farsas.

Non s'ant a pòdere atzetare sas domandas:

1. Presentadas cun modalidades diferentes dae su chi est prevididu in su Bandu;

2. Compiladas a manera non cumpleta e/o non cunformes a sos disponimentos de Lege e de su Bandu;

3. Non firmadas dae su Rapresentante Legale;

4. Presentadas in unu modellu diferente dae cussu allegadu a su Bandu.

(MM)