Vai a sottomenu e altri contenuti

SPOP Campus Omodeo 2018

Dae su 3 a s'8 de cabudanni de su 2018 in su Novenàriu de Santu Basile (Comune de Nughedu) s'at a fàghere sa segunda editzione de ''SPOP Campus Omodeo'', unu laboratòriu de discussione e progetualidade pro faeddare de s'ispopulamentu de sas àreas internas de Sardigna.

Su Campus est indiritzadu a universitàrios e professionistas, chi s'ant a cunfrontare in grupos de traballu pro bogare a campu ideas chi agiudent a megiorare sa vida econòmica e sotziale in sas biddas chi sunt in perìgulu de isparire.

Sos setores de istùdiu sunt sos chi sighint:

- Agricoltura e Cibo (ghiadu dae Ginevra Lombardi, economista, Universidade de Firenze);

- Turismo e Cittadinanza (ghiadu dae Paolo Giaccaria, geògrafu, Universidade de Torino);

- Welfare e Welcome (ghiadu dae Angelo Moretti, coordinadore de sa Caritas de Benevento e autore de su Manifesto dei Piccoli Comuni del #Welcome).

At a collaborare Marianella Sclavi, dotzente de Etnografia Urbana in su Politècnicu de Milanu e esperta de iscurtu ativu e de gestione creativa de sas cuntierras.

Su Campus, coordinadu dae Sardarch paris cun Desilab Elisava - Desis network de sa Escuela Universitaria de Diseño e Ingeniería de Barcelona, est finantziadu dae su Comune de Nughedu e dae Fondazione de Sardigna, in collaboratzione cun ANCI Sardigna e GAL Barigadu Guilcer.

Importante pro su chi rapresentat est sa presèntzia de Nughedu Welcome, s'assòtziu chi curat su progetu de ospitalidade difusa in Barigadu e chi s'at a ocupare de ospitare sos partetzipantes in sas istruturas de su Novenàriu de Santu Basile.

Pro tènnere prus informatziones bos podides cullegare a su link chi sighit:

http://www.comunenughedusv.it/index.php/tzente/articoli/89

(GFP)

torna all'inizio del contenuto
torna all'inizio del contenuto